Все образовательные программы факультета математики и механики ЕГУ получили международную аккредитацию сроком на 6 лет. Очередное заседание Ученого совета ЕГУ

В ЕГУ состоялось очередное заседание Ученого совета, в ходе которого обсуждались повестка дня и другие вопросы, принимались решения о присуждении ученых степеней, а также пересмотре некоторых положений устава ЕГУ.

ԵՊՀ ռեկտոր Հովհաննես Հովհաննիսյանը հայտնեց, որ Մաթեմատիկայի և մեխանիկայի ֆակուլտետի ողջ անձնակազմի և Որակի ապահովման կենտրոնի նվիրյալ աշխատանքի շնորհիվ գերմանական «ASIIN» միջազգային գործակալությունը 6 տարով հավատարմագրել է ֆակուլտետի բոլոր կրթական ծրագրերը: Ռեկտորը հավելեց, որ այժմ հավատարմագրման գործընթացի փուլում են Արևելագիտության, Իրավագիտության, Տնտեսագիտության և կառավարման ֆակուլտետների կրթական ծրագրերը:

Օրակարգային հարցերի քննարկումը սկսվեց ԵՊՀ մրցութային հանձնաժողովի նախագահ Պողոս Վարդևանյանի զեկույցով: Նա ներկայացրեց դոցենտի գիտական կոչում հայցող ԵՊՀ դասախոսների անվանացանկը:

Ղեկավարվելով ՀՀ գիտամանկավարժական կադրերին պրոֆեսորի և դոցենտի գիտական կոչումներ շնորհելու կարգով, ԵՊՀ գիտական խորհրդի աշխատակարգով և ԵՊՀ գիտական խորհրդում կայացած փակ գաղտնի քվեարկության արդյունքներով՝ ԳԽ-ն ընդունեց որոշում, այն է՝ ԵՊՀ ներքոնշյալ աշխատակիցներին շնորհել հայցվող գիտական աստիճանը:

Հ/Հ	ԱՆՈՒՆ-ԱԶԳԱՆՈՒՆ-ՀԱՅՐԱՆՈՒՆ	ՊԱՇՏՈՆ
1.	Զուրաբյան Անահիտ Սերյոժայի	ԵՊՀ ռուսաց լեզվի ամբիոնի ասիստենտ
2.	Փիլոյան Արտակ Սարգսի	ԵՊՀ քարտեզագրության և գեոմորֆոլոգիայի ամբիոնի ասիստենտ

ԵՊՀ ակադեմիական հարցերի գծով պրոռեկտոր Էլինա Ասրիյանը ԳԽ հաստատմանը ներկայացրեց «Երևանի պետական համալսարան» հիմնադրամի «Բիզնես ինկուբատոր» կառուցվածքային ստորաբաժանման մշակած «MINI MBA» լրացուցիչ կրթության մոդուլային ծրագիրը հաստատելու և ՀՀ ԿԳՄՍՆ երաշխավորմանը ներկայացնելու հարցը:

Տեղի ունեցավ ակտիվ քննարկում ծրագրի ուղղվածության և մոդուլի ժամաքանակի վերաբերյալ: Բարձրացված հարցերին տրվեցին սպառիչ պատասխաններ:

Հիմք ընդունելով ՀՀ ԿԳՄՍ նախարարի 2025 թվականի հունիսի 16-ի թիվ 51-Ն հրամանով հաստատված «Լրացուցիչ կրթության մոդուլային ծրագրերի երաշխավորման կարգ»-ի պահանջները, ղեկավարվելով ԵՊՀ կանոնադրությամբ և գիտական խորհրդի աշխատակարգով՝ ԳԽ-ն hաստատեց ԵՊՀ բիզնես ինկուբատորի մշակած «Mini MBA» լրացուցիչ կրթության մոդուլային ծրագիրը:

Հաջորդիվ օրակարգային 3-րդ, 4-րդ, 5-րդ, 6-րդ հարցերը ներկայացրեց ԵՊՀ իրավաբանական ծառայության պետ-գլխավոր իրավախորհրդատու Արմեն Թադևոսյանը:

Նախ՝ նա հանդես եկավ ԵՊՀ ներքին կարգապահական կանոններում փոփոխություններ կատարելու մասին զեկույցով:

Որոշվեց նոր խմբագրությամբ շարադրել ԵՊՀ գիտական խորհրդի 2024 թվականի փետրվարի 29-ին հաստատված ներքին կարգապահական կանոնների 30-րդ կետը:

Տեղի ունեցած քննարկման ընթացքում գիտխորհրդի անդամները բարձրաձայնեցին իրենց հետաքրքրող հարցերը, որոնք հիմնականում վերաբերում էին գիտամանկավարժական համակազմի աշխատաժամանակի հաշվարկին, աշխատանքային ռեժիմի առանձնահատկություններին:

Զեկուցողի հաջորդ ելույթը ԵՊՀ մեթոդական խորհրդի աշխատակարգի հաստատմանն ու 2017 թվականի մարտի 30-ին հաստատված ԵՊՀ մեթոդական խորհրդի կանոնակարգը ուժը կորցրած ճանաչելու մասին էր: Ըստ Ա. Թադևոսյանի՝ ԵՊՀ կանոնադրության վերոնշյալ փոփոխությունները պայմանավորված են «Բարձրագույն կրթության և գիտության մասին» ՀՀ օրենքում կատարված փոփոխություններով:

ԳԽ-ն որոշեց հաստատել ԵՊՀ մեթոդական խորհրդի աշխատակարգը՝ համաձայն հավելվածի, ուժը կորցրած ճանաչել 2017 թվականի մարտի 30-ին ԳԽ-ի հաստատած մեթոդական խորհրդի կանոնակարգը, սահմանել, որ ԵՊՀ մեթոդական խորհրդի գործող կազմի լիազորությունները դադարեցվում են, և ռեկտորի հրամանով հաստատվում է մեթոդական խորհրդի անվանական նոր կազմը սույն որոշման ուժի մեջ մտնելուց հետո՝ տասնօրյա ժամկետում:

Ա. Թադևոսյանը հաջորդիվ անդրադարձավ ԵՊՀ ակադեմիական միավորի որակի ապահովման և մեթոդական հանձնաժողովի աշխատակարգը հավելվածի համաձայն հաստատելու և 2017 թվականի մարտի 30-ին ԳԽ-ի հաստատած ԵՊՀ ֆակուլտետի մեթոդական խորհրդի կանոնակարգն ու ԵՊՀ ֆակուլտետի գիտական խորհրդի որակի ապահովման մշտական հանձնաժողովի աշխատակարգն ուժը կորցրած ճանաչելու մասին:

Ա. Թադևոսյանը զեկուցեց նաև ԵՊՀ գիտակազմակերպչական խորհրդի աշխատակարգը հաստատելու և 2022 թվականի նոյեմբերի 24-ին հաստատված ԵՊՀ գիտակազմակերպչական խորհրդի կանոնակարգը ուժը կորցրած ճանաչելու մասին:

Վերոգրյալ հարցերի շուրջ ծավալված ակտիվ քննարկումների արդյունքում ԵՊՀ ԳԽ-ն որոշ վերանայումների պայմանով որոշեց հաստատել տվյալ հարցերը:

Զեկուցողը ԳԽ անդամներին ներկայացրեց ԵՊՀ գիտակազմակերպչական խորհրդի աշխատակարգը հաստատելու և 2022 թվականի նոյեմբերի 24-ին հաստատված գիտակազմակերպչական խորհրդի կանոնակարգն ուժը կորցրած ճանաչելու մասին հարցը:

Ղեկավարվելով ԵՊՀ կանոնադրությամբ և ԳԽ աշխատակարգով՝ ԳԽ-ն որոշեց հաստատել օրակարգի վերոնշյալ հարցը ևս:

Հետայդու օրակարգային 7-րդ՝ «Երևանի պետական համալսարան» հիմնադրամի գրահրատարակչական քաղաքականության մեջ փոփոխություն կատարելու և 8-րդ՝ «Երևանի պետական համալսարան» հիմնադրամի գրահրատարակչական խորհրդում քննարկված աշխատությունները հրատարակության երաշխավորելու մասին կետերի վերաբերյալ զեկույցով հանդես եկավ ԵՊՀ հրատարակչության տնօրեն Կարեն Գրիգորյանը:

Լսելով զեկուցողի ելույթը և ղեկավարվելով ԵՊՀ կանոնադրությամբ ու գիտական խորհրդի աշխատակարգով՝ ԳԽ-ն որոշեց հաստատել․ ա) ԵՊՀ գրահրատարակչական քաղաքականության մեջ փոփոխություն կատարելու հարցը և բ) հրատարակության երաշխավորել ստորև ներկայացված գրքերը.

ԵՊՀ ՀՐԱՏԱՐԱԿՉՈՒԹՅԱՆ ԿՈՂՄԻՑ ՀՐԱՏԱՐԱԿՎՈՂ ԳԻՏԱԿԱՆ ԽՈՐՀՐԴԻ ԵՐԱՇԽԱՎՈՐՈՒԹՅԱՆԸ ՆԵՐԿԱՅԱՑՎՈՂ ԳՐՔԵՐԻ ՑԱՆԿ
	ԱՆՈՒՆ-ԱԶԳԱՆՈՒՆ	ՎԵՐՆԱԳԻՐ	ՏԵՍԱԿ
1.	Թամար Հայրապետյան	Բանագիտության հիմունքներ և հայ բանագիտություն	Դասագիրք
2.	Գայանե Սիմոնյան	Հովհաննես Սարկավագը և իր տոմարական ժողովածուն. «Մեկնութիւն տումարիս հայկազնեայ»	Մենագրություն
3.	Գայանե Ղուկասյան, Մարինե Բունիաթյան, Մամիկոն Կանոյան	Python ծրագրավորման հիմունքներ	Ուսումնական ձեռնարկ
4.	Նաիրուհի Ջրբաշյան	Էկոնոմետրիկա, մաս 1, հիմունքներ	Դասագիրք
5.	Գլխավոր խմբագիր` Գագիկ Ղազինյան	ՀՀ քրեական դատավարություն։ Ընդհանուր դրույթներ և մինչդատական վարույթ	Բուհական դասագիրք

Հաջորդիվ ռեկտորը ԳԽ-ին ներկայացրեց ԵՊՀ գիտական խորհրդին կից էթիկայի մշտական հանձնաժողովի աշխատակարգում որոշակի փոփոխություններ կատարելու մասին հարցը՝ պայմանավորված հանձնաժողովի գործառույթների հստակեցմամբ: