Ղեկավարվելով «Երևանի պետական համալսարան» հիմնադրամի կանոնադ­րութ­յան 49-րդ կետի 8-րդ և ԵՊՀ գիտական խորհրդի աշխատակարգի 4-րդ կետի 8-րդ ենթա­կետերով՝ ԵՊՀ գիտական խորհուրդը որոշում է.

1. հաստատել «Երևանի պետական համալսարան» հիմնադրամի պրոֆեսո­րա­դա­սախոսական կազմի թափուր պաշտոնը համալրելու և տվյալ պաշտոնի գիտա­ման­կա­վարժական գործունեության տեսակները սահմանելու մասին կարգը»՝ համաձայն Հավելվածի,

2. ուժը կորցրած ճանաչել 2012 թ. հունիսի 28-ին Երևանի պետական համալսա­րանի գիտական խորհրդի կողմից հաստատված «Երևանի պետական համալսարանի պրոֆե­սորադասախոսական համակազմի մրցութային ընտրության և պաշտոնների տեղակալման ընթացակարգը»։

3. Սույն որոշումն ուժի մեջ է մտնում հրապարակման պահից։

ԵՊՀ ԳԻՏԱԿԱՆ ԽՈՐՀՐԴԻ ՆԱԽԱԳԱՀ                                         Հ. Վ. ՀՈՎՀԱՆՆԻՍՅԱՆ

ՀԱՎԵԼՎԱԾ

ԵՊՀ գիտական խորհրդի
2025 թ. ապրիլի 14-ի թիվ 8/4 որոշման
                                                                                     ԵՊՀ ԳԽ նախագահ Հ. Վ. Հովհաննիսյան
 

 Կ Ա Ր Գ

«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ԹԱՓՈՒՐ ՊԱՇՏՈՆԸ ՀԱՄԱԼՐԵԼՈՒ ԵՎ ՏՎՅԱԼ ՊԱՇՏՈՆԻ ԳԻՏԱՄԱՆԿԱՎԱՐԺԱԿԱՆ ԳՈՐԾՈՒՆԵՈՒԹՅԱՆ ՏԵՍԱԿՆԵՐԸ ՍԱՀՄԱՆԵԼՈՒ ՄԱՍԻՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են «Երևանի պետական համալսարան» հիմ­նադրամի (այսուհետ՝ ԵՊՀ) պրոֆեսորադասախոսական կազմի թափուր պաշ­տոնի (այսուհետ՝ թափուր պաշտոն) համալրման կարգը, պաշտոնի հավակնորդին ներկայացվող պահանջներն ու պրոֆեսորադասախոսական կազմի համար նախա­տեսվող գիտամանկավարժական գործունեության տեսակները։

2. ԵՊՀ-ում թափուր պաշտոնի համալրումն իրականացվում է բաց մրցութային ընտրության (այսուհետ՝ մրցույթ) միջոցով՝ բացառությամբ սույն կարգի 35-36-րդ կետերով սահմանված դեպքերի։

II. ՊԱՇՏՈՆԻ ՀԱՎԱԿՆՈՐԴԻՆ ԱՌԱՋԱԴՐՎՈՂ ՊԱՀԱՆՋՆԵՐԸ

3. ԵՊՀ-ում թափուր պաշտոնի համալրումը կատարվում է հավակնորդի բարձ­րա­գույն և/կամ հետբուհական մասնագիտական կրթության որակավորման, գի­տա­կան աստիճանի, կոչման, մասնագիտական և մանկավարժական անհրաժեշտ հմտութ­յունների, գիտա­հետա­զոտական ու մեթոդական գործունեության արդյունքների հաշվառ­մամբ։

4. ԵՊՀ-ում սահմանվում են պրոֆեսորադասախոսական կազմի հետևյալ պաշ­տոն­ները՝ պրոֆեսոր, դոցենտ, ասիստենտ, դասախոս։

5. Պրոֆեսորի թափուր պաշտոնին կարող է հավակնել այն անձը, որը՝

6. ունի պրոֆեսորի գիտական կոչում,

7. վերջին հինգ տարիների ընթացքում ունի միջազգային գիտա­տեղեկա­տվա­կան շտեմարաններում (ՄԳՇ) հրապարակված առնվազն երեք գիտական աշխատանք (հոդված), որոնցում ներկայացնողը հանդես է գալիս որպես առաջին, վերջին կամ նամակագրություն վարող (corresponding author) հեղինակ կամ ունի համարժեք նշում և սույն կարգի 9-րդ կետով սահմանված կարգով հաշվարկված գիտահետազոտական ու ուսումնամեթոդական գործու­նեութ­­յան առնվազն վեց միավոր։

8. Դոցենտի թափուր պաշտոնին կարող է հավակնել այն անձը, որը՝

9. ունի պրոֆեսորի կամ դոցենտի գիտական կոչում,

10. վերջին հինգ տարիների ընթացքում ունի միջազգային գիտատեղեկատ­վական շտեմարաններում (ՄԳՇ) հրապարակված առնվազն երկու գի­տա­կան աշխատանք (հոդված), որոնցում ներկայացնողը հանդես է գալիս որպես առաջին, վերջին կամ նամակագրություն վարող (corresponding author) հեղինակ կամ ունի համարժեք նշում և սույն կարգի 9-րդ կետով սահմանված կարգով հաշվարկված գիտահետազոտական ու ուսումնա­մեթոդական գործունեության առնվազն վեց միավոր,

11. վերջին հինգ տարիների ընթացքում որակավորման բարձրացման դասընթացների արդյունքում կուտակած առնվազն հինգ կրեդիտ։

12. Ասիստենտի թափուր պաշտոնին կարող է հավակնել այն անձը, որը՝

13. ունի գիտական աստիճան կամ ավարտել է տվյալ մասնագիտության գծով ասպի­րանտուրան (հայցորդությունը),

14. վերջին հինգ տարիների ընթացքում ունի կատարված և սույն կարգի 9-րդ կետով սահմանված կարգով հաշվարկված գիտահետազոտական ու ուսումնամեթոդական գործու­նեութ­յան առնվազն երեք միավոր,

15. վերջին հինգ տարիների ընթացքում որակավորման բարձրացման դասըն­թացների արդյուն­քում կուտակած առնվազն տասը կրեդիտ։

16. Դասախոսի թափուր պաշտոնին կարող է հավակնել այն անձը, որը՝

17. ունի տվյալ մասնագիտության գծով մագիստրոսի կամ դիպլոմավորված մասնագետի որակավորում,

18. վերջին հինգ տարիների ընթացքում ունի կատարված և սույն կարգի 9-րդ կետով սահմանված կարգով հաշվարկված գիտահետազոտական ու ուսումնամեթոդական գործու­նեութ­յան առնվազն երկու միավոր,

19. վերջին հինգ տարիների ընթացքում որակավորման բարձրացման դասընթացների արդյունքում կուտակած առնվազն տասը կրեդիտ:

20. Սույն կարգի 5-8-րդ կետերում սահմանված՝ հավակնորդի գիտահետազոտական ու ուսումնամեթոդական գործունեության ցուցանիշները հաշվարկվում են հետևյալ ձևերով՝

III. ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ՊԱՇՏՈՆԻ ՀԱՄԱՐ ՍԱՀՄԱՆՎԱԾ ԳԻՏԱՄԱՆԿԱՎԱՐԺԱԿԱՆ ԳՈՐԾՈՒՆԵՈՒԹՅԱՆ ՏԵՍԱԿՆԵՐԸ

10. ԵՊՀ-ում պրոֆեսորադասախոսական կազմի համար սահմանվում են գիտաման­կավարժական գործունեության հետևյալ տեսակները.

    1. պրոֆեսորի համար՝ բակալավրի ու մագիստրոսի կրթական ծրագրերով դա­սա­խոսության վարում, քննության և ստուգարքի անցկացում, բակալավրի և/կամ մագիստ­րոսական կրթական ծրագրերի ղեկավարում, ասպիրանտի և/կամ հայցորդի ղեկավարում, ավարտական աշխատանքի, մագիստ­րոսա­կան թեզի, գիտական (գիտամեթոդական) սեմինարի ղեկավարում, ամփոփիչ ատեստավորման հանձ­նա­ժողովի աշխատանքներին ներգրավում, դասա­լսում­ների անցկացում, գիտահե­տազո­տա­կան ու ուսումնամեթոդական աշ­խա­տանքների կատարում,

    2. դոցենտի համար՝ բակալավրի ու մագիստրոսի կրթական ծրագրերով դասախոսության վարում, քննության ու ստուգարքի անցկացում, բակալավրի և/կամ մագիստրոսական կրթական ծրագրերի ղեկավարում, ասպիրանտի և/կամ հայցորդի ղեկավարում, ավարտական աշխատանքի, մագիստ­րոսական թեզի, գիտական (գիտամեթոդական) սեմինարի ղեկա­վարում, ամփոփիչ ատեստավորման հանձնա­ժողովի աշխատանք­ներին ներգրավում, գիտահետազոտական և ուսումնամեթո­դական աշխատանքների կատարում,

    3. ասիստենտի համար՝ բակալավրի ու մագիստրոսի կրթական ծրագրերով դասա­խոսության, գործնական, սեմինար ու լաբորատոր պարապմունքների վարում, քննության ու ստուգարքի անցկացում, ասպիրանտի և/կամ հայցորդի ղեկավարում, ավարտական աշխա­տանքի ու պրակտիկայի ղեկավարում, գիտահետազոտական ու ուսումնամեթոդական աշխատանքների կատարում,

    4. դասախոսի համար՝ բակալավրի կրթական ծրագրով դասախոսության, գործնական, սեմինար ու լաբորատոր պարապմունքների վարում, քննության ու ստուգարքի անցկացում, պրակտիկայի ղեկավարում, ուսանողների հետ խորհրդատվության անցկացում, գիտահետա­զոտականուև ուսումնամեթոդա­կան աշխատանքների կատարում։

IV. ՄՐՑՈՒՅԹԻ ԿԱԶՄԱԿԵՐՊՄԱՆ ՈՒ ԱՆՑԿԱՑՄԱՆ ԿԱՐԳԸ

11. Մրցույթի ընթացքը կազմակերպում ու համակարգում է որակավորման մանդատային հանձնաժողովը (այսուհետ՝ հանձնաժողով), որի անվանական կազմը հաստատվում է ԵՊՀ ռեկտորի հրամանով` ուսումնական հարցերը համակարգող պրոռեկտորի ներկայացմամբ։

12. Հանձնաժողովն իրավասու է մրցույթի ընթացքում առաջացած հարցերի ու ծագած խնդիրների կապակցությամբ ռեկտորին առաջարկներ ներկայացնել։

13. Ընթացիկ ուսումնական տարվա երկրորդ կիսամյակում ԵՊՀ անձնակազմի կա­ռավարման բաժինը (այսուհետ՝ բաժին), համագործակցելով ԵՊՀ ուսումնամեթոդական վարչության հետ, ռեկտորին է ներկայացնում հաջորդ ուսումնական տարում առաջացող թափուր պաշտոնների ցանկը, որոնց համալրման նպատակով անցկաց­վելիք մրցույթը հայտարարվում է մինչև ընթացիկ ուսումնական տարվա ավարտը ռեկտորի հրամանով։

14. Բաժինը նախապատրաստում է մրցույթի հայտարարությունն ու սահմանված կարգով հրապարակում այն ԵՊՀ կայքէջում, որտեղ նշվում են պաշտոնի հավակ­նորդին ներկայացվող պահանջները, պաշտոնը զբաղեցնելու ժամկետը, անհրաժեշտ փաստաթղթերի ցանկը, ներկայացման վայրն ու վերջնաժամկետը։

15. Մրցույթին մասնակցելու համար հավակնորդը բաժնին պետք է ներկայացնի հետևյալ փաստաթղթերը՝

16. դիմում՝ ռեկտորի անունով,
17. կադրերի հաշվառման անձնական թերթիկ,
18. ինքնակենսագրություն (CV),
19. բարձրագույն կրթության, գիտական աստիճանի և գիտական կոչման վկայականների պատճենները,
20. դասավանդվող դասընթացների ուսումնական պլանների նախագիծը,
21. վերջին հինգ տարիների ընթացքում հրատարակված աշխատությունների ցանկը,
22. վերջին հինգ տարիների ընթացքում որակավորման բարձրացման դասընթացներից կուտակած կրեդիտների վերաբերյալ փաստաթուղթ։

Դիմումները՝ կից փաստաթղթերով, ներկայացվում են հայտարարության օրվանից սկսած տասնհինգ օրվա ընթացքում։

16. Փաստաթղթերի ընդունման վերջնաժամկետի ավարտից հետո հանձնա­ժո­ղովը ստու­գում է հավակնորդի ներկայացրած դիմումն ու փաստաթղթերը դրանց ամբող­ջակա­նության ու մրցույթի պայմաններին համապատասխանության տեսանկ­յունից։

Եթե հավակնորդի դիմումը չի համապատասխանում պահանջներին, փաս­տա­թղթերը թերի են, կամ դիմումը ներկայացվել է սահմանված վերջնաժամկետից ուշ, ապա հանձնաժողովը մերժում է դիմումը։ Մերժման որոշումը կարող է բողոքարկել ռեկտորին այն ստանալուց հետո եռօրյա ժամկետում։

Եթե հավակնորդը չի համապատասխանում տվյալ պաշտոնի պահանջներին, գործատուն կարող է (հավակնորդի համաձայնությամբ) առավելագույնը մեկ տարի ժամկետով նրա հետ կնքել աշխատանքային պայմանագիր այն պաշտոնում, որի պա­հանջ­ներին համապա­տաս­խանում է՝ բացառությամբ առաջին անգամ աշխատանքի ընդունվողների։

17. Մրցույթի պահանջները բավարարող հավակնորդի դիմումը հանձնաժողովն ուղարկում է համապատասխան ամբիոնի քննարկմանը։

18. Ամբիոնի նիստում քննարկվում են հավակնորդի փաստաթղթերը, անցկացվում է բաց քվեարկություն (եթե այլ որոշում չի կայացվել), որի արդյունքներով կազմվում է կարծիք, որն ուղարկվում է ստորաբաժանման (ԵՊՀ) գիտական խորհրդի մրցութային մշտական հանձնաժողովին (այսուհետ՝ մրցութային հանձնաժողով)։

19. Մրցութային հանձնաժողովը ուսումնասիրում է հավակնորդի փաստաթղթերը և կազ­մում գրավոր եզրակացություն՝ ներկայացնելով հավակնորդի մասնագիտական բնութագիրը, որակավորումը, մանկավարժական գործունեությունն ու ամբիոնի կարծիքը։

20. Մրցույթն անցկացվում է ստորաբաժանման գիտական խորհրդում, իսկ համահա­մալսա­րանական ստորաբաժանումների թափուր պաշտոնների համար՝ ԵՊՀ գիտական խորհրդում։

Ռեկտորի հրամանով ցանկացած մրցույթ կարող է անցկացվել ԵՊՀ գիտական խորհրդում համապատասխան պատշաճ հիմնավորմամբ։

21. Գիտական խորհրդի նիստին հավակնորդի ներկայությունը պարտադիր է, և նրա բացա­կայության դեպքում գիտական խորհուրդը որոշում է կայացնում մրցույթին նրա մաս­նակցությունը դադարեցնելու մասին: Խորհրդի անդամները կարող են ելույթ ունենալ, քննարկումներ ծավալել ու հարցեր ուղղել հավակնորդին։

22. Փակ, գաղտնի քվեարկության ժամանակ քվեաթերթիկում գրանցվում են մրցույթին մասնակցող բոլոր հավակնորդների անունները։

23. Գաղտնի քվեարկություն անցկացնելու ու արդյունքները ամփոփելու նպա­տակով գիտական խորհրդի անդամներից ընտրվում է հաշվիչ հանձնաժողով՝ երեքից ոչ պակաս, կենտ թվով անդամներով, որոնցից որևէ մեկը չի կարող լինել հավակնորդ: Հանձնաժողովի անդամներն իրենց կազմից ընտրում են նախագահ՝ որոշումները կայացնելով «կողմ» քվեների պարզ մեծամասնությամբ։

24. Եթե մրցույթին մասնակցում է միայն մեկ հավակնորդ, քվեաթերթիկում նշվում են նրա անուն-ազգանունը, «կողմ» ու «դեմ» բառերը, իսկ մի քանի հավակնորդների դեպքում՝ նրանց անուն-ազգանունները (այբբենական կարգով), վերջին տողում՝ «բոլորին դեմ եմ» արտահայտությունը։

25. Վավեր է համարվում այն քվեաթերթիկը, որում մեկ հավակնորդի դեպքում «կողմ» կամ «դեմ» բառերի դիմաց արված է V նշումը, իսկ մեկից ավելի հավակնորդների դեպքում քվեարկված է միայն մեկ հավակնորդի կամ «բոլորին դեմ եմ» տարբերակի օգտին։

Եթե քվեաթերթիկում առկա են այլ նշումներ, ընդգծումներ, կամ որևէ հավակնորդի օգտին չի կատարվել քվեարկություն, այն համարվում է անվավեր, որի որոշումը կայացնում է հաշվիչ հանձնաժողովը՝ «կողմ» քվեների պարզ մեծամասնությամբ։ Եթե քվեաթերթիկն անվավեր ճանաչելն ազդում է ընտրության արդյունքների վրա, և այդ հարցի առնչությամբ առկա է հանձնաժողովի անդամի հատուկ կարծիք, ապա այն անվավեր ճանաչելու հարցը քննարկվում է գիտական խորհրդի կողմից, և կայացվում է համապատասխան որոշում:

26. Քվեարկությունն ավարտվելուց հետո հաշվիչ հանձնաժողովն ամփոփում է քվեարկության արդյունքները և կազմում արձանագրություն (Հավելված 3):

27. Ընտրված է համարվում այն հավակնորդը, որը ստացել է գիտական խորհրդի անդամների ընդհանուր թվի մեծամասնության «կողմ» քվեն։

Եթե հավակնորդների թիվը երեք կամ ավելի է, և որևէ մեկը չի ստանում անհրաժեշտ «կողմ» քվեները, ապա նույն նիստում կազմակերպվում է կրկնակի քվեարկություն, որին մասնակցում են առավելագույն «կողմ» քվեներ ստացած երկու (հավասար «կողմ» քվեների դեպքում՝ երկուսից ավելի) հավակնորդները:

28. Հաշվիչ հանձնաժողովի նախագահը գիտական խորհրդին ներկայացնում է քվեար­կության արդյունքները, որոնց հիման վրա գիտական խորհուրդը բաց քվեարկությամբ ընդու­նում է հետևյալ որոշումներից որևէ մեկը՝

29. տվյալ թափուր պաշտոնում հավակնորդի ընտրվելու մասին,

30. կրկնակի քվեարկություն անցկացնելու մասին,

31. ընտրությունը չկայացած ճանաչելու մասին։

32. Կրկնակի քվեարկությունը կազմակերպվում է նույն կարգով, և ընտրված է համարվում այն հավակնորդը, որը ստացել է գիտական խորհրդի անդամների ընդհանուր թվի մեծա­մասնության «կողմ» քվեն։

33. Ընտրությունը համարվում է չկայացած, եթե հիմնական կամ կրկնակի քվեար­կության արդյունքում ոչ մի հավակնորդ չի ստանում անհրաժեշտ «կողմ» քվեները։

34. Պրոֆեսորի թափուր պաշտոնի համալրման նպատակով ստորաբաժանման գիտական խորհրդում անցկացված մրցույթի արդյունքները (ընդունված որոշումը) հաստատվում են ԵՊՀ գիտական խորհրդում բաց քվեարկությամբ։

35. Գիտական խորհրդի որոշումը կարող է բողոքարկվել ռեկտորին եռօրյա ժամկետում, և եթե այն հակասում է ՀՀ օրենսդրությանը կամ ԵՊՀ կանոնադրությանը, կամ մրցույթի գործընթացում բացահայտվել են էական խախտումներ, որոնք ազդել են վերջնական արդյունքների վրա, ապա ռեկտորը իրավասու է կասեցնել որոշումը ու տասնօրյա ժամկետում նշանակել վերաքննարկում։

V. ԸՆՏՐՎԱԾ ՀԱՎԱԿՆՈՐԴԻՆ ՊԱՇՏՈՆՈՒՄ ՆՇԱՆԱԿԵԼՈՒ ԿԱՐԳՆ ՈՒ ԺԱՄԿԵՏԸ

33. Սույն կարգի 4-րդ բաժնում սահմանված կարգով անցկացված մրցույթի արդյունքում ընտրված հավակնորդի հետ ռեկտորը կնքում է աշխատանքային պայմանագիր (ընդունում է անհատական իրավական ակտ) հինգ տարի ժամկետով:

Աշխատանքային պայմանագրի գործողության երկրորդ տարվա ավարտին աշխա­տողը պարտավոր է ստորաբաժանման գիտական խորհրդին ներկայացնել հաշվետ­վություն՝ ընտրվելուց հետո իր կողմից իրականացված գիտամանկավարժական գոր­ծունեութ­յան վերաբերյալ (Հավելված 4):

34. Ժամավճարային հիմունքով, համատեղությամբ կամ հիմնական աշխա­տան­քային պայմանագրով մինչև 0.5 դրույքաչափով (ներառյալ) պրոֆեսորա­դասա­խոսական կազմի թափուր պաշտոնի համալրումն իրականացվում է տվյալ ամբիոնի կողմից պարզեցված բաց մրցութային ընթացակարգով, հավակնորդի գիտաման­կավար­ժական գործունեության արդյունքները գնահատելու միջոցով ու մինչև մեկ տարի ժամկետով:

Պարզեցված ընթացակարգով բաց մրցույթի դեպքում սույն կարգի 15-32-րդ կետերի դրույթները չեն կիրառվում:

Պարզեցված ընթացակարգով բաց մրցույթի մասնակցող հավակնորդը պետք է համապատասխանի սույն կարգի 2-րդ բաժնում՝ տվյալ պաշտոնի համար սահման­ված՝ որակավորման, գիտական աստիճանի, կոչման, մասնագիտական ու մանկա­վար­ժա­կան անհրաժեշտ հմտություններ ունենալու պահանջներին (հիմնա­վո­րող փաս­տաթղթերը հավակ­նորդի կողմից ներկայացվում են համապատասխան ամբիոնին):

Պարզեցված ընթացակարգով բաց մրցույթի մասնակցող հավակնորդը պետք է ներկայացնի հաշվետվություն՝ նախորդ ժամկետում իր կողմից իրականացված գիտամանկավարժական գործունեության վերաբերյալ (Հավելված 4)՝ բացառությամբ առաջին անգամ մրցույթին մասնակցող հավակնորդի:

Ամբիոնի վարիչն իրավունք ունի առաջին անգամ մրցույթին մասնակցող (աշխատանքի ըն­դունվող) հավակնորդին հանձնարարելու վարել ուսումնական պլանի շրջանակում ընտրված որևէ թեմայով փորձնական դասախոսություն, սեմինար կամ գործնական պարապ­մունք:

Պարզեցված ընթացակարգով բաց մրցույթի արդյունքները, հավակնորդի վերաբերյալ փաս­տաթղթերն ու սահմանված կարգով հաստատված ամբիոնային ուսումնական բեռնվածության ձևաթուղթը ներկայացվում են բաժնին:

35. Աշխատանքային պայմանագրի ժամկետը լրանալուց հետո գիտամանկա­վարժական գործունեության արդյունքների գնահատման հիման վրա և ամբիոնում համապատասխան թափուր պաշտոնի (ուսումնական բեռնվածության) առկայության դեպքում ռեկտորն իրավասու է պրոֆեսորադասախոսական կազմի աշխատողի հետ ևս մեկ անգամ ու առանց մրցույթի կնքել աշխատանքային նոր պայմանագիր՝ երեք տարի ժամկետով:

Այս դեպքում պայմանագրի ժամկետը լրանալուց առնվազն երկու ամիս առաջ տվյալ պաշտոնը զբաղեցնող անձը սահմանված կարգով ստորաբաժանման (ԵՊՀ) գիտական խորհրդին է ներկայացնում հաշվետվություն՝ նախորդ ժամկետում իր կողմից իրականացված գիտամանկավարժական գործունեության վերաբերյալ (Հավել­ված 4):

Ստորաբաժանման (ԵՊՀ) գիտական խորհուրդը, քննարկելով հավակնորդի գիտաման­կավարժական գործունեության վերաբերյալ ներկայացված հաշվետ­վությունը, ընդունում է համապատասխան որոշում, որը կից փաստաթղթերով ուղար­կում է հանձնաժողովին:

Հանձնաժողովը, ուսումնասիրելով ներկայացված հաշվետվությունն ու ստորա­բաժանման (ԵՊՀ) գիտական խորհրդի որոշումը, առաջարկություն է ներկայացնում ռեկ­տորին տվյալ աշխատողի հետ աշխատանքային պայմանագիրն առանց մրցույ­թի վերակնքելու վերաբերյալ:

36. Առանձնահատուկ դեպքերում, մասնավորապես ուսումնական բեռնվա­ծութ­յան ու հաստիքների թվաքանակի աճի, հատուկ դասընթաց վարող մասնագետի ներ­գրավման անհրաժեշտության, աշխատողի առողջական վիճակի, բացակայող աշխա­տողին փոխա­րինելու կամ այլ հարգելի պատճառներով պրոֆեսո­րադասա­խոսական կազմի թափուր պաշ­տոնը ռեկտորի հրամանով մեկ անգամ կարող է համալրվել առանց մրցույթի՝ առավելագույնը մեկ տարի ժամկետով:

VI. ՊԱՇՏՈՆԻՑ ՎԱՂԱԺԱՄԿԵՏ ԱԶԱՏԵԼՈՒ ԿԱՐԳԸ

37. ԵՊՀ պրոֆեսորադասախոսական կազմի աշխատողին զբաղեցրած պաշտո­նից ազա­տելու հիմքերը, կարգն ու պայմանները սահմանվում են ՀՀ աշխատանքային օրենսգրքով, ԵՊՀ կանոնադրությամբ, սույն կարգով և այլ իրավական ակտերով:

38. Ռեկտորն իրավասու է աշխատանքային պայմանագրի գործողության ընթաց­քում համապատասխան հիմքերի առկայության դեպքում ստորաբաժանման (ԵՊՀ) գիտական խորհրդին ներկայացնելու պրոֆեսորադասախոսական կազմի աշխա­տողի՝ իր զբաղեցրած պաշտոնին համապատասխանությունը որոշելու հարցը:

Գիտական խորհրդում զբաղեցրած պաշտոնին համապատասխանության հարցի քննարկ­մանը նախորդում է խորհրդի անդամներից կազմված հանձնաժողովի կողմից աշխատողի աշխատանքային գործունեության ստուգումը, որի անվանական կազմը գիտական խորհրդի ներկայացմամբ հաստատում է ռեկտորը:

Ռեկտորն իրավասու է հանձնաժողովում ընդգրկելու արտահամալսարա­նա­կան (արտա­ֆա­կուլտետային) փորձագետների:

Եթե գիտական խորհուրդը փակ, գաղտնի քվեարկությամբ հաստատում է զբա­ղեցրած պաշ­­տոնին տվյալ աշխատողի անհամապատասխանությունը (դասավանդ­ման որակի, մեթո­դա­բանության, դասընթացի վարման, գիտահետազոտական գործունեության, ուսանո­ղական հարցման արդյունքների հաշվառմամբ), ապա ռեկտորը սահմանված կարգով լուծում է նրա հետ կնքված աշխատանքային պայմա­նագիրը:

VII. ԱՆՑՈՒՄԱՅԻՆ ԴՐՈՒՅԹՆԵՐ

39. Մինչև 2026-2027 ուսումնական տարվա ավարտը սույն կարգի 4-րդ բաժնում սահմանված կարգով անցկացվող մրցույթին չմասնակցած ԵՊՀ պրոֆեսորադասա­խոսական կազմի աշխատողի աշխատանքային պայմանագրի գործողության ժամկետը լրանալու դեպքում նրա հետ աշխատանքային հարաբերությունները կարող են երկարաձգվել սույն կարգի 34-րդ կետով սահմանված պարզեցված բաց մրցու­թային կարգով:

40. Սույն կարգի 6-8-րդ կետերում սահմանված պաշտոնների համալրման մրցույթ­ներում հավակնորդի կողմից սահմանված չափով որակավորման բարձ­րացման կրեդիտներ ներ­կայացնելու պարտադիր պահանջը գործելու է 2027-2028 ուսումնա­կան տարվանից:

41. 2027-2028 ուսումնական տարվանից սկսած՝ ԵՊՀ պրոֆեսորադասախոսական կազմի թափուր պաշտոնի համալրումը կատարվելու է բացառապես սույն կարգի 4-5-րդ բաժիններում սահմանված կարգով ու պայմաններով:

42. Սույն կարգի ընդունման պահին մրցույթով ընտրված ԵՊՀ պրոֆեսորադասա­խոսական կազմի աշխատողները շարունակում են աշխատել ընտրված պաշտոններում մինչև իրենց հետ կնքված աշխատանքային պայմանագրերի գործողության ժամկետների լրանալը:

Հավելված 1

Ք Վ Ե Ա Թ Ե Ր Թ Ի Կ

ՙԵրևանի պետական համալսարան՚ հիմնադրամի _________________________________________ ֆակուլտետի/ինստիտուտի գիտական խորհրդի _________________ թվականի նիստում _______________ պաշտոնի փակ, գաղտնի քվեարկության

«Կողմ» կամ «դեմ» լինելու դեպքում քվեաթերթիկի համապատասխան վանդակում կատարվում է V նշումը:

Հավելված 2

Ք Վ Ե Ա Թ Ե Ր Թ Ի Կ

ՙԵրևանի պետական համալսարան՚ հիմնադրամի ______________________________________ ֆակուլտետի/ինստիտուտի գիտական խորհրդի ________________ թվականի նիստում ______________ պաշտոնի փակ, գաղտնի քվեարկության

Որևէ հավակնորդի «կողմ» լինելու կամ «բոլորին դեմ» լինելու դեպքում քվեաթերթիկի համապատասխան վանդակում կատարվում է V նշումը:

Հավելված 3

Ա Ր Ձ Ա Ն Ա Գ Ր Ո Ւ Թ Յ Ո Ւ Ն

Հաշվիչ հանձնաժողովի

ք. Երևան                                                        «         »                                          20    թ.

Հաշվիչ հանձնաժողովն ընտրվել է ՙԵրևանի պետական համալսարան՚ հիմնադրամի __________________________________ ֆակուլտետի/ինստիտուտի գիտական խորհրդի ___________ թ. նիստում հետևյալ կազմով՝

1. _____________________________________

2. _____________________________________

3. _____________________________________

Ֆակուլտետի/ինստիտուտի գիտական խորհրդի _____ անդամներից ներկա էին ___ -ը:

Քվեարկվել է (են) ____________________________ ֆակուլտետի/ինստիտուտի _____________ ամբիոնի __________ պաշտոնի հավակնորդի թեկնածություն(ներ)ը:

Քվեարկությանը մասնակցել են ֆակուլտետի/ինստիտուտի գիտական խորհրդի _____ անդամներ:

Բաժանվել է ____________ քվեաթերթիկ:

Քվեատուփում առկա է ____________ քվեաթերթիկ:

Քվեարկության արդյունքներն են՝

ՀԱՎԱԿՆՈՐԴԻ ԱԶԳԱՆՈՒՆԸ, ԱՆՈՒՆԸ ԿՈՂՄ, ԴԵՄ, ԱՆՎԱՎԵՐ,

ՀԱՎԱԿՆՈՐԴԻ ԱԶԳԱՆՈՒՆԸ, ԱՆՈՒՆԸ ԿՈՂՄ, ԴԵՄ, ԱՆՎԱՎԵՐ,

Անվավեր քվեաթերթիկների քանակը ______:

Փակ (գաղտնի) քվեարկության արդյունքներով ______________________________ ընտրվել է (չի ընտրվել) ________________________ ֆակուլտետի/ինստիտուտի _______ ամբիոնի _____________ պաշտոնում,

կամ՝

փակ, գաղտնի քվեարկության արդյունքներով _______________________ ֆակուլտետի/ինստիտուտի ______ ամբիոնի _________________ի պաշտոնի հավակնորդներից ոչ մեկը չի ընտրվում ___________ի պաշտոնում, իսկ ներքոհիշյալ հավակնորդները մասնակցում են կրկնակի քվեարկությանը:

1. _____________________________________

2. _____________________________________

3. _____________________________________

Հաշվիչ հանձնաժողովի նախագահ՝   _____________  ______________________

Հաշվիչ հանձնաժողովի անդամներ՝   _____________  _______________________

                                                               _____________ _______________________

Հավելված 4

ՙԵրևանի պետական համալսարան՚ հիմնադրամի

(ուսումնական ստորաբաժանման) գիտական խորհրդին                       

Հ Ա Շ Վ Ե Տ Վ Ո Ւ Թ Յ Ո Ւ Ն

ՊԱՇՏՈՆՈՒՄ ԻՐԱԿԱՆԱՑՎԱԾ ԳԻՏԱՄԱՆԿԱՎԱՐԺԱԿԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

1. Աշխատողի ԱԱՀ ________________________________________

2. Ստորաբաժանումը, պաշտոնը ______________________________

3. Հաշվետու ժամանակահատվածը ____________________________

4. Հաշվետու ժամանակահատվածում կատարվել են ուսումնական, ուսումնամեթոդական հետևյալ աշխատանքները (ներկայացնել մշակված կամ բարելավված դասընթացների ցանկը, վերապատրաստումների ցանկը (առավելագույնը 500 բառ)).

______________________________________________________________________________________________________________________:

5. Հաշվետու ժամանակահատվածում կատարվել են գիտական, գիտահետազոտական հետևյալ աշխատանքները (նկարագրել ստացած դրամաշնորհները, տպագրված աշխատանքները, մասնակցությունը գիտաժողովներին (առավելագույնը 500 բառ)).

______________________________________________________________________________________________________________________:

6. Նախորդող երկու ուսումնական տարում ուսանողական հարցման արդյունքում միջին գնահատականը կազմում է _________________:

Աշխատող՝ ____________________________

                         ԱԱՀ, ստորագրություն

Ամբիոնի վարիչ՝ ________________________________

                                                            ԱԱՀ, ստորագրություն