«Էրազմուս+» ծրագրի միջազգային կրեդիտային շարժունություն. Հունական միջերկրածովյան համալսարան, Հունաստան

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Հունական միջերկրածովյան համալսարանի (Հունաստան) միջև կնքված պայմանագրով նախատեսվում են շարժունություններ ԵՊՀ պրոֆեսորադասախոսական հիմնական կազմի համար՝ 2026/2027 ուստարվա 1-ին կիսամյակում վերոհիշյալ համալսարանում դասախոսություն կարդալու նպատակով (1 շաբաթ, 8 ժամ):

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ international@ysu.am: Նամակի վերնագրի դաշտում անհրաժեշտ է նշել ERASMUS+, PoSIG):

Դիմումների ընդունման վերջնաժամկետն է ս.թ. սեպտեմբերի 9՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. տեղեկանք՝ ԵՊՀ-ում աշխատելու վերաբերյալ,

4. շարժունության համաձայնագիր (Staff Mobility for Teaching) https://erasmus-plus.ec.europa.eu/resources-and-tools/documents-and-guidelines/higher-education-mobility-agreement-for-staff-mobility-for-teaching-ka131-ka171:

5․ ընդունող բուհից հրավեր-նամակ: