Новый стартап, направленный на цифровизацию процесса оценивания эффективности внеаудиторной деятельности преподавателей

Одна из команд бизнес-инкубатора Ереванского государственного университета разработала и создала электронную систему оценки внеаудиторной деятельности преподавателей. Это инновационный стартап, который преследует цель цифровизации процесса анализа внеаудиторной деятельности преподавателей и измерения эффективности этой деятельности. Система в настоящее время проходит апробацию на факультете экономики и управления ЕГУ.

2023-2024 ուսումնական տարվա ընթացքում ԵՊՀ տնտեսագիտության և կառավարման ֆակուլտետի գիտական խորհրդի նիստում ընդունվեց ֆակուլտետի պրոֆեսորադասախոսական կազմի արտալսարանային գործունեության գնահատման կարգը, որը մեկ տարի անց որոշակի փոփոխությունների ենթարկվեց և լրամշակվեց։ Սկզբնական փուլում իրենց գործունեության արդյունքները գնահատելու համար դասախոսները առկա տվյալները աղյուսակների ձևաչափով ներբեռնում էին «Google» հարթակ։ ԵՊՀ բիզնես ինկուբատորի և ֆակուլտետի միջև ծավալված քննարկումների արդյունքում որոշվեց, որ Բիզնես ինկուբատորի թիմը կմշակի և կստեղծի դասախոսների արտալսարանային գործունեության գնահատման էլեկտրոնային համակարգ՝ նպատակ ունենալով ապահովելու դասախոսների արտալսարանային գործունեության գնահատման գործընթացի արագությունն ու արդյունավետությունը։

Ստարտափի հեղինակներն են ԵՊՀ բիզնես ինկուբատորի շահառուները՝ «Տվյալների գիտությունը բիզնեսում» մագիստրոսական կրթական ծրագրի շրջանավարտներ Սաթի Թադևոսյանը, Սարգիս Պետրոսյանը, Անի Բադասյանը, Բեռլինի համալսարանի «Համակարգչային գիտություն» բակալավրի կրթական ծրագրի 3-րդ կուրսի ուսանող Նվեր Խաչատրյանը և Հայաստանի պետական տնտեսագիտական համալսարանի մագիստրոս Հասմիկ Ղամբարյանը։ Թիմի ներկայացուցիչները նշեցին, որ ներդրված համակարգը ոչ միայն ավտոմատացնում է տվյալների մուտքն ու մշակումը, այլև հնարավորություն է տալիս դասախոսներին ինքնուրույն լրացնելու իրենց գործունեությանը վերաբերող տվյալները՝ ըստ սահմանված չափորոշիչների։ Մինչ այժմ դասախոսներն արդեն մուտք են գործել հարթակ, ստացել համապատասխան նամակներ և հնարավորություն ունեցել օգտագործելու համակարգը։

Նվեր Խաչատրյանը նշեց, որ արդեն ավարտվել է առաջին փուլը․ հուլիսի 4-ին փակվել է տվյալների մուտքագրման հնարավորությունը։ Երկրորդ փուլը վերլուծական է․ թիմը գնահատում է համակարգի արդյունավետությունն ու կիրառելիությունը։

Այժմ անցկացվում է թեստավորում, որի ընթացքում հիմնականում արձանագրվել են դրական արձագանքներ, ինչպես նաև որոշ օգտակար առաջարկներ դասախոսներից։

Գնահատման չափորոշիչներ

Էլեկտրոնային համակարգը հիմնված է Տնտեսագիտության և կառավարման ֆակուլտետում ընդունված կարգի հստակ կառուցվածքի վրա և ներառում է երեք մակարդակ․

պրոֆեսիոնալ օգտատերեր՝ համակարգի ամբողջական կառավարում,
հանձնաժողովի նախագահներ և ամբիոնների վարիչներ՝ հաստատման և վերահսկման գործառույթ,
դասախոս՝ տվյալների մուտքագրում, գնահատման գործընթաց։

Գնահատման համակարգը ներառում է այդ կարգով նախատեսված մի շարք չափորոշիչներ, որոնց միջոցով դասախոսները հնարավորություն ունեն հավաքելու առավելագույնը 100 միավոր։ Դրանք են՝

աշխատանքային կարգապահություն,
ֆակուլտետային գործունեության մեջ ներգրավվածություն,
գիտական ակտիվություն,
մասնագիտական զարգացում և որակավորման բարձրացում,
լրացուցիչ այլ գործունեություն։

Խոսելով համակարգի գործառույթների մասին՝ Սաթի Թադևոսյանը հավելեց, որ այս միավորների միջոցով ձևավորվում է դասախոսի գործունեության ընդհանուր գնահատականը, որը կարող է օգտագործվել ինչպես ներքին վերահսկման, այնպես էլ արդյունավետության բարձրացման ռազմավարությունների մշակման համար։

Տեղայնացված մոտեցում՝ ընդլայնման հեռանկարով

Սարգիս Պետրոսյանն ընդգծեց՝ նոր համակարգը ծառայելու է որպես էլեկտրոնային այլընտրանք՝ ապահովելով առավել հարմար և թափանցիկ գնահատում։

«Բիզնես ինկուբատորի թիմը լիահույս է, որ թեստավորման փուլից հետո համակարգը կհաստատվի որպես արդյունավետ գործիք և կկիրառվի նաև ԵՊՀ այլ ֆակուլտետներում։ Թիմի ներկայացուցիչները նույնիսկ պատրաստել են ուսուցողական տեսանյութ, որտեղ քայլ առ քայլ ներկայացված է՝ ինչպես մուտք գործել համակարգ և լրացնել տվյալները»,- ասաց նա։

Արդյունքներ և հեռանկարներ

Դասախոսների լրացրած տվյալները փոխանցվում են համապատասխան հանձնաժողովներին և ամբիոնների վարիչներին՝ ստուգման և հաստատման համար։ Այս գործընթացը հնարավորություն է տալիս ստանալու ամբողջական պատկեր այն մասին, թե ինչպես կարող է բարելավվել դասախոսական կազմի արդյունավետությունը ԵՊՀ-ում, ինչպես նաև մշակելու նոր մոտեցումներ կրթական քաղաքականության զարգացման համար։

Այս նախաձեռնությունը մի նոր էջ է բացում ԵՊՀ-ում ակադեմիական գործունեության թվայնացման ուղղությամբ՝ համադրելով նորարարությունը, կառավարման մշակույթը և համակարգային մոտեցումները: