ԵՊՀ ուսանողական գիտական ընկերությունը նոր էջ է բացում միջազգային համագործակցության պատմության մեջ

Այցը նշանավորվել է ԵՊՀ ուսանողական գիտական ընկերության, Մեծ Բրիտանիայի և Իռլանդիայի երիտասարդաց միության միջև փոխգործակցության հուշագրի կնքմամբ, որով նախատեսվում է երկկողմ համագործակցություն գիտակրթական, մշակութային և հասարակական լայնամասշտաբ ծրագրերի ու նախաձեռնությունների կազմակերպման և իրականացման ուղղությամբ՝ ներառյալ համատեղ միջոցառումներ, գիտաժողովներ և երիտասարդների փոխանակման ծրագրեր։

Այցի ընթացքում պատվիրակությունը աշխատանքային և ճանաչողական մի շարք հանդիպումներ է ունեցել, այդ թվում՝ Մեծ Բրիտանիայի խորհրդարանում։ ՈՒԳԸ ներկայացուցիչները հանդիպել են նաև Մեծ Բրիտանիայի հայկական համայնքի ներկայացուցիչների և հայ երիտասարդների հետ՝ քննարկելով հետագա համագործակցության հնարավորությունները։

Լոնդոն կատարած այցն ու հուշագրի կնքումը կարևոր քայլ են ոչ միայն ՈՒԳԸ, այլև ԵՊՀ միջազգային հեղինակության բարձրացման, երիտասարդ գիտնականների ներգրավվածության ընդլայնման և համաշխարհային գիտակրթական միջավայրում հայկական ուսանողական համայնքի դիրքերի ամրապնդման ճանապարհին։