Վերլուծել ցածր ածխածնային և կլիմայի փոփոխությունների նկատմամբ կայուն զարգացման մոդելները, գնահատել «կանաչ» տնտեսության կառուցվածքի ձևավորման տնտեսական ազդեցությունները, հետազոտել կենսաբազմազանության ռազմավարությունները և գնահատել դրանց ազդեցությունը կայուն, բարձրորակ տնտեսական աճի, մրցունակության և տարածական հավասարակշռության վրա։

Ուսումնասիրել կայուն էկոհամակարգերի կառավարման և բնահենք լուծումների դերը շրջակա միջավայրի և սոցիալ-տնտեսական մարտահրավերների հաղթահարման գործում՝ բարձրացնելով էկոհամակարգերի դիմադրողականությունը, աջակցելով կլիմայի փոփոխության մեղմացմանը և հարմարվողականությանը, խթանելով ներառական և երկարաժամկետ տնտեսական զարգացում՝ շրջակա միջավայրի, ինստիտուցիոնալ և սոցիալական չափանիշների ինտեգրման միջոցով։

Ուսումնասիրել թվայնացված հանրային ծառայությունները, տվյալահենք կառավարման և ինստիտուտների գործունեության մեխանիզմների բարձրացման գործիքակազմը՝ բարելավվելով ինստիտուցիոնալ համակարգերը, ինչպես նաև ինստիտուցիոնալ համակարգերի արդիականացման դերը մակրոտնտեսական կայունության և տնտեսական զարգացման գործընթացում։ 

Ուսումնասիրել արժեքի ստեղծման մոդելների ազդեցությունը ներառական տնտեսական աճի վրա, բացահայտել արտադրողականության սահմանափակումները, սոցիալական և տարածքային անհավասարությունների խորացման պատճառները՝ համադրելով սոցիալ-տնտեսական, բնապահպանական և ինստիտուցիոնալ գործոնների փոխազդեցության վերլուծության արդյունքները։

Խրախուսել գիտական համայնքի, փորձագետների, քաղաքականություն մշակողների և ոլորտային մասնագետների միջև գործակցային կապերը՝ ուղղված գլոբալ և տարածաշրջանային մարտահրավերների և դրանց արդյունավետ կառավարման հնարավորությունների բացահայտմանը:

• ցածր ածխածնային աճի ռազմավարություններ և «կանաչ» անցում

• շրջանաձև տնտեսության մոդելներ և կայուն ռեսուրսների կառավարում

• կլիմայակայուն և կլիմայակենտրոն զարգացման մոդելներ

• բնահենք լուծումներ, էկոհամակարգերի ծառայություններ և կլիմայի փոփոխություններին հարմարվողականություն

• կենսաբազմազանության պահպանում և էկոհամակարգի ճկունություն

• համապատասխանեցում ԵՄ-ի «կանաչ» համաձայնագրին, կենսաբազմազանության ռազմավարությանը և ՄԱԿ-ի կայուն զարգացման նպատակներին

• ինստիտուտների բարեփոխումներ և թվային կառավարում

• տվյալների վրա հիմնված հանրային կառավարում և հանրային ոլորտի նորարարություն

• կարգավորման որակ և պետական ​​հատվածի արդիականացում

• կառուցվածքային փոխակերպումներ և արդյունաբերական քաղաքականություն 

• մակրոտնտեսական կայունություն, հարկաբյուջետային և դրամավարկային քաղաքականությունների կոորդինացում 

• կլիմայի, նորարարության և զարգացման քաղաքականությունների ինտեգրում 

• «կանաչ» ֆինանսներ, կլիմայական փոփոխությունների ֆինանսներ, բնապահպանական, սոցիալական և կառավարման ոլորտների ներդրումներ 

• հանրային–մասնավոր գործընկերություններ և ֆինանսական ինստիտուտների զարգացում 

• ռիսկերի կառավարում, ֆինանսական կայունություն և կայուն ներդրումների կառուցվածքներ

• «կանաչ» բիզնեսի մոդելներ, կորպորատիվ կայունություն և բնապահպանական, սոցիալական և կառավարման ռազմավարություններ

• նորարարական էկոհամակարգեր, տեխնոլոգիաների փոխանցում և ձեռնարկատիրություն

• թվային–«կանաչ» վերափոխում ձեռնարկություններում և արժեշղթաներում 

• արժեքի ստեղծման մոդելներ, արտադրողականություն և մրցունակություն

• մարդկային կապիտալի զարգացում և աշխատաշուկաներ

• ռեգիոնալ մրցունակություն, տարածական անհավասարություններ և համախմբվածություն