Հիմք ընդունելով ՀՀ աշխատանքային օրենսգրքի 207.1-րդ հոդվածի պահանջները և ղեկավարվելով ԵՊՀ կանոնադրության 57-րդ կետի 10-րդ ենթակետով՝

հ ր ա մ ա յ ո ւ մ   ե մ՝

1. Սահմանել, որ. 

1) ԵՊՀ աշխատողին տրամադրվում է ծնողական ժամ` երեխայի խնամքի, դաստիարակության, կրթական գործընթացներին մասնակցության կամ երեխայի շահերից բխող այլ պարտականությունների իրականացման նպատակով: Աշխատող ծնողը (խնամատար ծնողը կամ որդեգրողը կամ խնամակալը) իրավունք ունի օգտվելու ծնողական ժամից` բացակայելով աշխատանքի վայրից:

2) Ծնողական ժամը տրամադրվում է`

ա. մինչև տասներկու տարեկան մինչև երկու երեխա ունեցող ծնողին (խնամատար ծնողին կամ որդեգրողին կամ խնամակալին)` իր ցանկությամբ` օրական առավելագույնը 30 րոպե.

բ. մինչև տասներկու տարեկան երեք և ավելի երեխա ունեցող ծնողին (խնամատար ծնողին կամ որդեգրողին կամ խնամակալին)` իր ցանկությամբ` օրական առավելագույնը մեկ ժամ.

գ. մինչև 18 տարեկան` ֆունկցիոնալության ծանր կամ խորը սահմանափակումով երեխա ունեցող ծնողին (խնամատար ծնողին կամ որդեգրողին կամ խնամակալին)` իր ցանկությամբ` օրական առավելագույնը մեկ ժամ (անկախ երեխաների թվից):

3) Աշխատողին ծնողական ժամը տրամադրվում է e-request.ysu.am էլեկտրոնային հարթակի միջոցով ԵՊՀ ռեկտորի անունով ներկայացված գրավոր դիմումի հիման վրա՝ նշելով ծնողական ժամի ժամանակահատվածը:

4) Ծնողական ժամը ներառվում է աշխատաժամանակում, և այդ ժամանակահատվածում պահպանվում է աշխատողի հիմնական աշխատավարձը:

2. Սույն հրամանի մասին սահմանված կարգով տեղեկացնել ԵՊՀ աշխատողներին: