2027 թ. հունիսի 28-ից հուլիսի 2-ը կանցկացվի ԵՊՀ հեռանկարային հետազոտությունների միջազգային կենտրոնի նախաձեռնությամբ կազմակերպված «Սիմետրիաների մեթոդները ֆիզիկայում» (SYMPHYS-XX) միջազգային գիտաժողովը։ Գիտաժողավի հիմնադրման և կայացման գործում մեծ ներդրում է ունեցել (1999-2024 թթ.) կենտրոնի տնօրեն, պրոֆեսոր Գեորգի Պողոսյանը։

SYMPHYS-ն ավանդական գիտաժողովների շարքերից է, որն անցկացվում է երկու տարին մեկ անգամ և միավորում է սիմետրիայի թեմաների շուրջ աշխատող ֆիզիկոսներին ու մաթեմատիկոսներին։ Սիմետրիաները առկա են ֆիզիկայի բոլոր բնագավառներում, ուստի գիտաժողովը համախմբում է գիտության լայն բնագավառում աշխատող ֆիզիկոսներին։

Առաջին SYMPHYS գիտաժողովը կայացել է Օբնինսկում 1986 թվականին, այնուհետև կայացել է ևս 4 գիտաժողով մինչև 1991 թվականը։ 1993 թվականին այն կայացել է Դուբնայում, այնուհետև պարբերաբար անցկացվել է Երևանում և Դուբնայում։ 2004 թվականին գիտաժողովը կայացել է Պրահայում (Չեխիա)։

SYMPHYS-XX գիտաժողովի նախնական ծրագիրը ներառելու է հետևյալ թեմաները.

• Սիմետրիաներ լարերի տեսությունում, սուպերգրավիտացիայում, քվանտային գրավիտացիայում
• Սիմետրիաներ վիճակագրական ֆիզիկայում
• Սիմետրիաներ խտացված միջավայրի ֆիզիկայում
• Սիմետրիաներ քիմիայում, կենսաբանությունում և այլ գիտություններում
• Միջուկային ռեակցիաների փորձարարական և տեսական ուսումնասիրություններ
• Սիմետրիաներ միջուկային, ատոմային և մոլեկուլային ֆիզիկայում
• Ատոմային միջուկների հատկությունների փորձարարական և տեսական ուսումնասիրություններ
• Կիրառական միջուկային ֆիզիկա, միջուկային բժշկություն, ճառագայթային ֆիզիկա

Գիտական ծրագիր

SYMPHYS-XX գիտաժողովի ծրագիրը ներառում է շուրջ 10 հրավիրյալ դասախոսություն (տևողությունը՝ 40 + 10 րոպե), որոնք նախատեսված են առավոտյան հինգ նիստերի ընթացքում։ Մյուս ելույթները (20 և 15 րոպե տևողությամբ) կանցկացվեն կեսօրին։ Նախատեսվում է ավելի քան երկու զուգահեռ նստաշրջան։ Պաստառային ներկայացումները կանցկացվեն հունիսի 29-ին՝ ճաշի ժամից հետո։

Ծրագրված է վեց աշխատանքային օր՝ սկսած հունիսի 28-ից՝ ժամը 10:00-ից, և ավարտվելով հուլիսի 2-ին։ Ժամանման օրը նախատեսված է կիրակի՝ հունիսի 27-ին, իսկ մեկնումը՝ շաբաթ՝ հուլիսի 3-ին։

Լրացուցիչ տեղեկությունների համար կապ հաստատել ներքոնշյալ էլհասցեների միջոցով՝ 

Անահիտ Բալաբեկյան –balabekyan@ysu.am

Սուսաննա Գագինյան – susgaginyan@ysu.am

Նելլի Ղարիբյան
 

📍 Հեռանկարային հետազոտությունների միջազգային կենտրոն

Ֆիզիկայի ինստիտուտ, Երևանի պետական համալսարան

Ալեք Մանուկյան 1, Երևան, 0025, Հայաստան

Էլհասցե՝ symphys@ysu.am