2026 թ. հոկտեմբերի 8-9 Երևանի պետական համալսարանի ռուս բանասիրության ֆակուլտետի նախաձեռնությամբ կանցկացվի «Ռուսագիտությունը ժամանակակից աշխարհում» խորագրով միջազգային գիտագործնական գիտաժողով՝ նվիրված Երևանի պետական համալսարանի ռուս բանասիրության ֆակուլտետի հիմնադրման 50-ամյակին:

Գիտաժողովի շրջանակում կքննարկվեն հետևյալ թեմաները․

• Պատմություն և արդիականություն
• Գրականության տեսության արդի հիմնախնդիրները
• Ռուսաց լեզվաբանության տեսական և գործնական հարցեր
• Համեմատական և տիպաբանական նկարագրություն
• Ակտիվ գործընթացներ ժամանակակից ռուսերենում
• Միջմշակութային հաղորդակցության և պրագմալեզվաբանության արդի հիմնախնդիրները
• Թարգմանության արդի խնդիրները
• Ռուսերենը՝ որպես օտար լեզու․ ավանդույթներ և նորարարություններ

Գիտաժողովի ձևաչափը՝ խառը (առկա և հեռավար)։

Աշխատանքային լեզուները՝ ռուսերեն, հայերեն:

Համաժողովին մասնակցելու համար անհրաժեշտ է՝

• մինչև 2026 թ. հունվարի 20-ը լրացնել գրանցման էլեկտրոնային ձևաթուղթը՝ անցնելով հետևյալ հղումով՝ https://forms.gle/eRdxM8QXWC9oZSKi8,
• մինչև 2026 թ. մարտի 31-ը հոդվածն ամբողջությամբ ուղարկել հետևյալ էլհասցեին՝ rusphilconf@ysu.am։

Ուշադրություն․ գիտաժողովին մասնակցելու համար նյութերի ֆայլը պետք է վերնագրված լինի մասնակցի ազգանունով՝ լատինատառ: 

Հոդվածին ներկայացվող տեխնիկական պահանջները՝ այստեղ:

Հոդվածների էլեկտրոնային ժողովածուն նախատեսվում է նախապատրաստել գիտաժողովի աշխատանքների մեկնարկին:

Գիտաժողովին մասնակցելու հետ կապված բոլոր ծախսերը (ճանապարհածախս, կացարան) վճարում են մասնակիցները կամ ուղղորդող կողմը:

Տեղեկությունների համար կապ հաստատել հետևյալ հեռախոսահամարների միջոցով՝

(+374 96)  600 560 (WhatsApp, Telegram) Դիանա Յուրիի Գազարովա

(+374 60) 710 584 Ռուս բանասիրության ֆակուլտետի աշխատակազմ

Գիտաժողովի անցկացման հասցեն՝

Հայաստանի Հանրապետություն, ք. Երևան, 0025, Ալեք Մանուկյան 1, ԵՊՀ, VII մասնաշենք, 2-րդ հարկ, Ռուս բանասիրության ֆակուլտետ: