Advancement of Armenian water management through education: YSU signs letter of cooperation

Yerevan State University and Deloitte Consulting LLP have signed a letter of cooperation as part of USAID’s "Improved Water Resources Management in Armenia" program.

ԱՄՆ ՄԶԳ «Հայաստանի ջրային ռեսուրսների կառավարման բարելավում» ծրագրի նպատակն է աջակցել Հայաստանին՝ բարելավելու ջրային ռեսուրսների կառավարման մոտեցումները և պահպանելու քաղցրահամ ջրային ռեսուրսները։

Հաստատված համագործակցության նպատակն է խթանել կրթության ոլորտում ջրային ռեսուրսների կառավարման վերաբերյալ նորարարությունը, գիտելիքների փոխանակումը, միջազգային լավագույն փորձի կիրառումը՝ այդպիսով նպաստելով ապագայում ազգային և տեղական մակարդակներում ներգրավված ոլորտային մասնագետների և որոշում կայացնողների կարողությունների բարձրացմանն ու ոլորտի կայուն զարգացմանը։

Համագործակցության շրջանակում ծրագիրը նախատեսում է աջակցել թիրախային ոլորտներում պետական ու ակադեմիական կառույցների միջև ինստիտուցիոնալ համագործակցության կապերի ամրապնդմանը, կիսվել ծրագրի շրջանակում իրականացված հետազոտություններով, լավագույն միջազգային փորձով, հնարավորություն ընձեռել ԵՊՀ ուսանողներին և երիտասարդ մասնագետներին ներգրավվելու Կոլորադոյի Բոլդեր համալսարանում առցանց ավարտական հավաստագրման ծրագրին և անցնելու գործնական պրակտիկա ծրագրի ընթացքում իրականացվող աշխատանքների շրջանակում։

Բացի դրանից՝ ԵՊՀ մասնագետներն ու ուսանողները կներգրավվեն ջրային ոլորտի հայեցակարգերի, ռազմավարությունների և այլ ծրագրային ու իրավական փաստաթղթերի մշակման գործընթացներում:

Կողմերը հույս հայտնեցին, որ համագործակցությունը կնպաստի Հայաստանում ջրային ռեսուրսների կառավարման բարելավմանը, ինչպես նաև կընձեռի հնարավորություններ նոր ծրագրերի ու գաղափարների իրագործման համար։