May 05, 2025 | 15:39
Education
Competitions
Student
YSU Law Faculty team wins inter-university commercial arbitration moot court
YSU Faculty of Law students achieved remarkable success at the 11th ADR Inter-University Moot Court Competition, securing victory in the final round and receiving multiple awards, including in the categories of "Best Written Submission" and "Best Oralist."
Հայաստանի ամերիկյան համալսարանի վեճերի այլընտրանքային լուծման կլինիկան ապրիլի 26-27-ը նախաձեռնել էր առևտրային արբիտրաժին նվիրված ADR միջբուհական 11-րդ դատախաղ՝ նախապես հրապարակելով արբիտրաժային գործի խնդիրը, որը վերաբերում էր «Կառուցել, սեփականության իրավունքով տիրապետել, փոխանցել» պայմանագրի (BOOT contracts) շուրջ ծագած վեճին։ Խնդրում առկա էր նաև արբիտրաժային տրիբունալի իրավասության վիճարկման վերաբերյալ հարց: Դատախաղին մասնակցում էին առաջատար բուհերի թիմեր։
Մրցույթն անցկացվել է երկու փուլով՝ գրավոր և բանավոր: Գրավոր փուլում թիմերը ներկայացրել են իրավական վեճի վերաբերյալ հայց և պատասխան: Նրանց ներկայացրած գրավոր դիրքորոշումները գնահատվել են առանձին:
Բանավոր փուլում թիմերը մրցել են միմյանց դեմ՝ ներկայացնելով և՛ հայցվորի, և՛ պատասխանողի դիրքորոշումները։ ԵՊՀ թիմը, վաստակելով ամենաբարձր միավորները, անցել է նախ՝ կիսաեզրափակիչ փուլ, ապա՝ եզրափակիչ փուլ:
Եզրափակիչ փուլում մրցել են ԵՊՀ-ի և Հայաստանում ֆրանսիական համալսարանի թիմերը։ ԵՊՀ թիմը եզրափակիչ փուլում միավորների առավելությամբ հաղթել է Հայաստանում ֆրանսիական համալսարանի թիմին:
ԵՊՀ իրավագիտության ֆակուլտետի թիմը առևտրային արբիտրաժին նվիրված ADR միջբուհական 11-րդ դատախաղում զբաղեցրել է պատվավոր հորիզոնականը, հաղթող է ճանաչվել նաև մրցույթի մնացած բոլոր անվանակարգերում։ ԵՊՀ թիմի անդամներից Էդվարդ Մովսիսյանը ճանաչվել է մրցույթի «Լավագույն բանախոս»:
Նշենք, որ ԵՊՀ թիմի անդամներն էին մագիստրատուրայի 1-ին կուրսի ուսանողներ Հայարփի Մկրտչյանը, Էդվարդ Մովսիսյանը և Անի Պողոսյանը: Թիմի մարզիչն էր ԵՊՀ իրավագիտության ֆակուլտետի քաղաքացիական իրավունքի ամբիոնի ասպիրանտ և նույն ամբիոնի դասախոս Մանե Մարկոսյանը:
