«Դասավանդի՛ր հանուն Հայաստանի»-ն կրթական առաջնորդության ազգային ծրագիր է և «Teach For All» համաշխարհային ցանցի 36-րդ գործընկերը։ Ծրագիրը մասնակիցներին հնարավորություն է տալիս երկու տարվա ընթացքում դասավանդելու Հայաստանի այն համայնքներում, որտեղ որակյալ կրթության անհրաժեշտությունն ամենամեծն է՝ միաժամանակ զարգացնելով առաջնորդական, հաղորդակցման, խնդիրների լուծման և փոփոխությունների կառավարման հմտությունները։
Մասնակցությունը միայն երկու տարվա աշխատանքային փորձ չէ․ այն մուտք է դեպի միջազգային և տեղական մասնագիտական հնարավորությունների լայն ցանց։ Ուսուցիչ-առաջնորդները և շրջանավարտ-դեսպանները հասանելիություն են ստանում «Teach For All»-ի վերապատրաստման ծրագրերին, ֆելոուշիփներին, միջազգային գիտաժողովներին և տարբեր երկրների կրթական առաջնորդների փորձին։
Ծրագրի ավարտից հետո մասնակիցները շարունակում են լինել սերտ համագործակցող շրջանավարտների համայնքի մաս՝ ստանալով գործընկեր կազմակերպություններում աշխատանքի հնարավորությունների, մասնագիտական կապերի, համատեղ նախաձեռնությունների և շարունակական զարգացման ծրագրերի հասանելիություն։ Սա համայնք է, որտեղ մարդիկ ոչ միայն կապ են պահպանում, այլև աջակցում են միմյանց գաղափարների, կարիերայի և ազդեցության հաջորդ փուլերում։
