Կոնֆլիկտի վերլուծությունից մինչև հաշտարարություն․ ԵՊՀ-ում մեկնարկում է հավաստագրային նոր ծրագիր

Պատրա՞ստ եք կոնֆլիկտները վերածելու զարգացման և փոխըմբռնման հնարավորությունների։

ԵՊՀ «Հաշտարարություն և կոնֆլիկտի լուծում» հավաստագրային ծրագիրն առաջարկում է միջգիտակարգային և կիրառական ուղղվածությամբ եզակի ուսումնական փորձառություն բոլոր նրանց համար, ովքեր ցանկանում են ձեռք բերել մասնագիտական հմտություններ կոնֆլիկտի հետազոտության, վերլուծության և հաշտարարության ոլորտներում։

ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ

• Փոխկապակցված ուսումնական ծրագիր – երեք փոխկապակցված դասընթացներ՝ Կոնֆլիկտի հետազոտության մեթոդներ, Կոնֆլիկտի վերլուծություն և կարգավորում և Հաշտարարությունը գործնականում։

• Փորձառու մասնագետներ – ծրագիրն իրականացվում է փորձառու գիտնականների և հավաստագրված մասնագետների կողմից։

• Կիրառական ուսուցում – դեպքերի ուսումնասիրություն, դերախաղեր, սիմուլյացիաներ և խմբային քննարկումներ։

• Միջգիտակարգային մոտեցում – սոցիոլոգիայի, հոգեբանության, քաղաքագիտության և միջազգային հարաբերությունների ոլորտներից ստացած գիտելիքի համադրում։

• Էթիկական հիմունքներ – հատուկ ուշադրություն է դարձվում մշակութային զգայունությանը, անաչառությանը և մասնագիտական էթիկային։

ՈՒՍՈՒՄՆԱՌՈՒԹՅԱՆ ԱՐԴՅՈՒՆՔՆԵՐԸ

Ծրագիրն ավարտելուց հետո մասնակիցները կկարողանան՝

• տիրապետել կոնֆլիկտի ուսումնասիրության հետազոտական և վերլուծական գործիքներին,

• քննադատաբար կիրառել կոնֆլիկտի վերաբերյալ տեսությունները իրական իրավիճակներում,

• զարգացնել երկխոսության և հաշտարարության համար անհրաժեշտ հաղորդակցական առաջնակարգ հմտություններ,

• դրսևորել մասնագիտական որակներ հաշտարարության գործընթացներում։

ԾՐԱԳՐԻ ՄԱՆՐԱՄԱՍՆԵՐԸ

• Սկիզբը՝ նոյեմբերի 2, 2026 թ․

• Տևողությունը՝ 20 շաբաթ (2026 թ. աշուն - 2027 թ. գարուն)

• Ձևաչափը՝ շաբաթական 3 դասընթաց, յուրաքանչյուրը՝ 80 րոպե

• Ուսուցման լեզուները՝ հայերեն և անգլերեն (առանձին ընթերցանության նյութեր և քննարկումներ՝ անգլերեն/ռուսերեն/հայերեն)

• Պարտադիր ընթերցանություն՝ շաբաթական 10-20 ժամ

Ո՞ՒՄ ՀԱՄԱՐ Է ԾՐԱԳԻՐԸ

Ծրագիրը նախատեսված է՝

• դիվանագիտության, իրավագիտության, ՀԿ-ների և միջազգային կազմակերպությունների ոլորտներում աշխատող մասնագետների,

• կոնֆլիկտների ուսումնասիրությամբ զբաղվող հասարակագետների և հետազոտողների,

• կրթության ոլորտի մասնագետների, HR մասնագետների և համայնքային առաջնորդների,

• ուսանողների և կարիերայի նախնական փուլում գտնվող մասնագետների համար, որոնք ցանկանում են ձեռք բերել որակավորում հաշտարարության և կոնֆլիկտների լուծման ոլորտում։

ԸՆԴՈՒՆԵԼՈՒԹՅԱՆ ՆԱԽԱՊԱՅՄԱՆՆԵՐ

• Հասարակական գիտությունների և կոնֆլիկտների տեսության վերաբերյալ որոշ գիտելիքներ,

• խմբային և դերախաղային ուսուցմանը ակտիվորեն մասնակցելու պատրաստակամություն,

• դասընթացների պարտադիր ընթերցանության նյութերի ուսումնասիրության պատրաստակամություն,

• ուսուցման լեզուների բավարար իմացություն։

Դիմե՛ք հիմա և ձե՛ռք բերեք տարբեր միջավայրերում կոնֆլիկտները արդյունավետորեն հաղթահարելու և խաղաղության խթանման համար անհրաժեշտ հմտություններ։

Հայտերի ընդունման վերջնաժամկետն է ս․թ․ հոկտեմբերի 20-ը։

Գրանցվելու համար՝ https://forms.gle/QWAXZUsnrLr5gxqs9