Միջբուհական համագործակցություն. Աալենի կիրառական գիտությունների համալսարան, Գերմանիա

Միջբուհական համագործակցության շրջանակում Երևանի պետական համալսարանի և Աալենի կիրառական գիտությունների համալսարանի (Գերմանիա) միջև կնքված պայմանագրով նախատեսվում է շարժունություն Մաթեմատիկայի և մեխանիկայի, Տնտեսագիտության և կառավարման ֆակուլտետների, Միջազգային հարաբերությունների ֆակուլտետի «Հանրային կառավարում» մասնագիտությամբ բակալավրիատի և մագիստրատուրայի ուսանողների համար՝ 2026-2027 ուստարվա 1-ին կիսամյակում ուսանելու նպատակով:

Անգլերենի/գերմաներենի առնվազն B2 մակարդակի իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Ծրագրի դիմումներն էլեկտրոնային տարբերակով ընդունվում են ԵՊՀ միջազգային կապերի բաժնում (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. մարտի 24-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն՝ PDF տարբերակով).

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. մոտիվացիոն նամակ,

4. ակադեմիական տեղեկագիր (անհրաժեշտ է համապատասխան ֆակուլտետի գրասենյակից վերցնել հայերեն տարբերակը, այնուհետև այն ներկայացնել Միջազգային կապերի բաժին՝ թարգմանության և վավերացման նպատակով),

5. տեղեկանք՝ ԵՊՀ-ում ուսանելու վերաբերյալ (https://e-request.ysu.am/main-board),

6. ուսումնառության համաձայնագիր (KA 171, Learning Agreement for Studies, Before Mobility հատվածը՝ ստորագրված ֆակուլտետի միջազգային կապերի գծով ակադեմիական համակարգողի կողմից):