«Էրազմուս+» ծրագրի միջազգային կրեդիտային շարժունություն. Օստրավայի համալսարան, Չեխիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Օստրավայի համալսարանի (Չեխիա) միջև կնքված պայմանագրով նախատեսվում են շարժունություններ Տնտեսագիտության և կառավարման, Աշխարհագրության և երկրաբանության ֆակուլտետների պրոֆեսորադասախոսական հիմնական կազմի համար` 2026/2027 ուստարվա հոկտեմբերի 19-23-ը «4th International Teaching Week in Political, Economic and Cultural Geographies» խորագրով դասախոսություններ կարդալու և վերապատրաստման դասընթացների մասնակցելու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ international@ysu.am: Նամակի վերնագրի դաշտում անհրաժեշտ է նշել ERASMUS+, OSTRAVA):

Դիմումների ընդունման վերջնաժամկետն է ս.թ. հունիսի 15-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. տեղեկանք՝ ԵՊՀ-ում աշխատելու վերաբերյալ,

4. շարժունության համաձայնագիր (Staff Mobility Agreement for Teaching):