Առկա ու հեռակա ուսուցման ձևերով մրցութային կարգով ԵՊՀ մագիստրատուրա ընդունվելու հնարավորություն ունեն ՀՀ պետական և ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

ԵՊՀ մագիստրատուրայում ընդունելությունը առկա ուսուցման ձևով կատարվում է երկու փուլերով, իսկ հեռակա ուսուցման ձևով՝ մեկ փուլով: Փուլերի անցկացման ժամանակացույցը հաստատվում է ռեկտորի հրամանով:

Առկա ուսուցման ձևով առաջին փուլով անվճար ու վճարովի ուսուցման համակարգի ընդունելության մրցույթին մասնակցելու հնարավորություն ունեն ԵՊՀ բակալավրիատի առկա և հեռակա ուսուցման ձևերի նույն մասնագիտությամբ (կրթական ծրագրի) վերջին երեք ուսումնական տարվա (ուսումնական տարիների հաշվարկը սկսվում է գործող ուսումնական տարվանից) շրջանավարտները՝ ըստ իրենց ամփոփիչ ատեստավորման գնահատականի և դիպլոմի հավելվածում գրանցված միջին որակական գնահատականի (ՄՈԳ-ի): Դիմորդների ընդունելությունը կատարվում է առանց ընդունելության քննության, մրցութային կարգով՝ ատեստավորման գնահատականի և ՄՈԳ-ի շեմի հաշվառմամբ: Հավասար ՄՈԳ-ի դեպքում հաշվի են առնվում հետևյալ լրացուցիչ չափորոշիչները՝ ա) գերազանցության դիպլոմի առկայությունը, բ) ամփոփիչ ատեստավորման արդյունքները: Տվյալ փուլում առանձին մագիստրոսական կրթական ծրագրերի ընդունելության մուտքային պահանջները յուրաքանչյուր տարի սահմանվում են ռեկտորի հրամանով: Անվճար (պետության կողմից ուսանողական նպաստների ձևով ուսման վարձի լրիվ փոխհատուցմամբ) տեղերի համար հայտարարված մրցույթը չհաղթահարելու դեպքում 1- ին փուլի դիմորդներն ընդունվում են նույն կրթական ծրագրի վճարովի համակարգ:

Երկրորդ փուլով ընդունելությունը կատարվում է երկու ենթափուլով և միայն վճարովի ուսուցման համակարգում: Այս փուլի ընդունելության մրցույթին մասնակցելու հնարավորություն ունեն ԵՊՀ և այլ պետական, ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների (առկա ու հեռակա ուսուցման ձևերի) բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

Համաշխարհային քաղաքականություն մագիստրոսական կրթական ծրագրի ընդունելության քննության հարացաշար

1. Վեստֆալյան համակարգից մինչև Յալթա Պոտսդամ. ուժերի հավասարակշռության սկզբունքը
2. Քաղաքական վարչակարգեր. ժողովրդավարություն, ավտորիտարիզմ և տոտալիտարիզմ
3. Իշխանության հասկացությունը և լեգիտիմության տիպերը (ըստ Մաքս Վեբերի)
4. Միավորված ազգերի կազմակերպության դերը և բարեփոխման անհրաժեշտությունը
5. Սառը պատերազմի ավարտը և միաբևեռության ժամանակաշրջանը
6. Գլոբալացում և ազգային պետության ինքնիշխանության տրանսֆորմացիան
7. Ռեգիոնալիզմի և գլոբալիզացիայի հարաբերակցությունը արդի միջազգային հարաբերություններում
8. Ուկրաինական ճգնաժամը և դրա ազդեցությունը համաշխարհային կարգի վրա
9. Տարածաշրջանային անվատանգային կազմկերպությունները (ՆԱՏՕ, ՀԱՊԿ)
10. ԱՄՆ-Չինաստան մրցակցությունը. նոր Սառը պատերազմի հեռանկարը
11. Եվրոպական ինտեգրացիայի ճգնաժամը և ապագան (Brexit, եվրոսկեպտիցիզմ)
12. Տեղեկատվական և հիբրիդային պատերազմների առանձնահատկությունները
13. Պանդեմիաները՝ որպես միջազգային քաղաքականության գործոն. COVID-19-ի ազդեցությունը գլոբալ կառավարման վրա
14. Քաղաքականության և կենսաբանության փոխազդեցությունը. կենսաքաղաքականության հայեցակարգը (Մ. Ֆուկո, Ջ. Ագամբեն)
15. ՄԱԿ-ի կայուն զարգացման 17 նպատակները
16. Միջազգային ինտեգրացիոն գործընթացները և տարածաշրջանային կազմակերպությունները (ԵՄ, Աֆրիկյան միություն, ԱԵԱՆ)
17. ԱՄՆ քաղաքականության առանձնահատկությունները Արևմտյան կիսագնդում
18. Ռուսաստանի քաղաքականության առանձնահատկությունները հետխորհրդային տարածքում
19. Լոգիստիկ ուղիների տրանսֆորմացիան և դրանց ազդեցությունը համաշխարհային քաղաքականության վրա (Հյուսիսային երթուղի, «Միջին միջանցք», «Հյուսիս-Հարավ»)
20. Խաղաղապահության դերը փոփոխվող աշխարհակարգում
21. Չինաստանի դերը Ասիա-խաղաղօվկիանոսյան տարածաշրջանում
22. «Մեկ գոտի, մեկ ճանապարհ» նախաձեռնության գլոբալ քաղաքական նշանակությունը
23. Պարենային անվտանգության հիմնախնդիրը Աֆրիկա մայրցամաքում
24. Ջրային ռեսուրսների հիմնախնդիրը համաշխարհային քաղաքականությունում. ջրային անվտանգություն և աշխարհաքաղաքական մրցակցություն
25. «Կանաչ» էներգիայի դերը ժամանակակից համաշխարհային քաղաքականությունում. էներգետիկ անցման աշխարհաքաղաքական հետևանքները և ուժերի նոր դասավորվածությունը
26. Կլիմայի փոփոխության հիմնախնդիրը համաշխարհային քաղաքականությունում. միջազգային համագործակցության ձևաչափերը և աշխարհաքաղաքական մարտահրավերները
27. Միջուկային անվտանգության և չտարածման ռեժիմի ճգնաժամը արդի փուլում
28. ԱՄՆ-Ռուսաստան-Չինաստան եռանկյունու ազդեցությունը սպառազինությունների վերահսկման
    հեռանկարների վրա
29. Արկտիկայի միջազգային-իրավական կարգավիճակը. տարածքային բաժանման սկզբունքները և
    միջազգային մրցակցությունը
30. «Պատերազմ» և «հակամարտություն» հասկացությունների համեմատական վերլուծությունը գլոբալ
    քաղաքականությունում

Գրականության ցանկ

1.  Տիգրան Եփրեմյան, ԱՄՆ պատմություն։
2. Africa’s progress towards food security․
3.  African Union
4. Baldus, Jana, Harald Müller, and Carmen Wunderlich. "The Global Nuclear Order and the Crisis of the Nuclear Non-Proliferation Regime: Taking Stock and Moving Forward." Zeitschrift für Friedens- und Konfliktforschung 10, no. 2 (2021): 195–218.
5. Chiara Bottici War and Conflict in a Globalising World: Governance or Empire?
6. Climate Change and International Cooperation․
7. Francis Fukuyama, The End of History?
8. The “Global South” in the study of world politics. Guest Editors: Sebastian Haug, Jacqueline Braveboy-Wagner and Günther Maihold․
9. The Green Transition: Implications for Energy Security and Geopolitics․ The transition from fossil fuels to green energy will require a new paradigm for thinking about energy security. 
10. THE LEGAL STATUS OF THE ARCTIC, [suspicious link removed]
11. Luchina, M.S., 2025. Russia and China in the Great Strategic Triangle. Russia in Global Affairs, 23(4), pp. 118–133. DOI:10.31278/1810-6374-2025-23-4-118-133․ 
12. Manukyan, Zhak. 2023. “Peacekeeping As One of the Priorities of the Collective Security Treaty Organization (2011-2022)”. YSU Journal of International Affairs 14 (2 (41): 22- 33.
13. Manukyan, Zhak. 2025. “The Strategic Role of Central Asia in a Changing World Order: Resources, Logistics, and Competition”. YSU Journal of International Affairs 1 (1): 66-99.
14. One Belt One Road Initiative: Its Meaning and Significance․
15. THE 17 GOALS - Sustainable Development Goals (SDGs)․
16. Taylor, R. C. R. The global governance of pandemics. Sociology of Health & Illness. 2021;43:1540–1553․
17. Theories of regionalism. functionalism, realism and beyond․
18. United Nations (Միավորված ազգերի կազմակերպություն)․
19. Water, Security and Conflict․