1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· ուսանողների գիտահետազոտական խումբ ղեկավարելու կարողություն:
Հաղորդակցման
· լսարանի հետ բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· օտար լեզվի իմացություն ակադեմիական մակարդակով։
ՏՀՏ կիրառություն
· համակարգչային (MS Office փաթեթի ազատ տիրապետում՝ Word, Excel, Power-Point) հմտություններ,
· ժամանակակից սոցիալական հարթակներից օգտվելու հմտություն,
· լուսացուցադրություններ պատրաստելու և ներկայացնելու հմտություններ:
Այլ կարողություններ
· դասընթացներ կազմելու, կրթական վերջնարդյունքներ սահմանելու, դասավանդման և գնահատման եղանակներ ճիշտ ընտրելու գիտելիքներ,
· դասընթացի նյութերը արդյունավետ կազմելու կարողություն (դասընթացներ, տեղեկագրեր, ձեռնարկներ և այլն), ուսանողների հետաքրքրությունն ու ներգրավվածությունը ապահովելու ունակություն,
· ժամանակի պլանավորման և կառավարման կարողություն:
2. Մասնագիտական կարողությունները և գիտելիքները ըստ ոլորտների
· ՀՀ կենսաբանական հետազոտությունների ժամանակակից մեթոդների վերաբերյալ մասնագիտական գիտելիքներ,
· արյունաստեղծ, արյան և արյունամակարդման համակարգերի, արյան հիվանդությունների բուժման ժամանակակից ալգորիթմների վերաբերյալ մասնագիտական գիտելիքներ,
· ժամանակակից հոգեֆիզիոլոգիայի հիմնական դրույթների վերաբերյալ մասնագիտական գիտելիքներ,
· էլեկտրոֆիզիոլոգիական՝ ԷՈՒԳ-ի, ուղեղի հրահրված կենսահոսանքների, էլեկտրամկանագրի, էլեկտրաակնագրի, տոմոգրաֆիկ, մաշկ-գալվանական, արյունահոսքի դոպլերային մեթոդների և սարքավորումների վերաբերյալ մասնագիտական գիտելիքներ,
· ռենտգենոլոգիական, սիրտանոթային և շնչառական համակարգերի գործունեության ուսումնասիրության և ցուցանիշների համակարգչային գրանցման ժամանակակից մեթոդների վերաբերյալ մասնագիտական գիտելիքներ,
· տարբեր տարիքային խմբերի անձանց օրգանների, օրգան-համակարգերի կառուցվածքի և ֆիզիոլոգիական գործառույթների վերաբերյալ մասնագիտական գիտելիքներ,
· բարձրագույն նյարդային գործունեության առանձնահատկությունների վերաբերյալ մասնագիտական գիտելիքներ,
· իմուն համակարգի կառուցվածքի, իմուն պատասխանի ձևավորման հիմնական ուղիների, իմունականխարգելման, իմունոթերապիայի, թիրախային իմունակարգավորման վերաբերյալ մասնագիտական գիտելիքներ,
· օրգանների տարբեր բջիջների և դրանց ածանցյալների բնականոն և փոփոխված գործառույթները և դրանց կառուցվածքի առանձնահատկությունների միջև եղած կապի վերաբերյալ մասնագիտական գիտելիքներ,
· կնոջ վերարտադրողական համակարգի աշխատանքի ֆիզիոլոգիական ասպեկտների և այդ համակարգում տեղի ունեցող պաթոֆիզիոլոգիական փոփոխությունների վերաբերյալ մասնագիտական գիտելիքներ,
· անպտղության բուժման ժամանակ օժանդակ վերարտադրողական տեխնոլոգիաների ճիշտ ընտրության, սերմի մշակման, սաղմերի զարգացման փուլերի տարբերակման վերաբերյալ մասնագիտական գիտելիքներ,
3. Ընդհանուր պահանջներ
Գիտական աստիճան
· գիտական աստիճան և/կամ կոչում կենսաբանական գիտությունների ոլորտում, կամ որոշ դեպքերում՝ տվյալ կամ հարակից մասնագիտությամբ արտերկրյա բուհում ստացած մագիստրոսի կոչում,
· վերջին 5 տարում առնվազն 3 գիտական և/կամ մեթոդական հրատարակությունների առկայություն։
Մանկավարժական փորձ
· մասնագիտական դասընթացների դասավանդման կազմակերպման և իրականացման առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների:
Պրակտիկ աշխատանքի փորձ
· առնվազն 5 տարվա աշխատանքային փորձ մարդու և կենդանիների ֆիզիոլոգիայի ոլորտում:
Այլ պահանջներ
· դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։