Ընդունարանի աշխատակից

Ընդունարանի աշխատակիցը պատասխանատու է Ընդունարանի աշխատանքները պատշաճ կերպով կազմակերպելու,
ընկերության այցելուներին դիմավորելու և ուղղորդելու, հեռախոսազանգերին պատասխանելու համար։ Նա աջակցում է
ընկերության աշխատակիցներին, գլխավոր տնօրենին և ադմինիստրատիվ պատասխանատուին առօրյա աշխատանքների,
հանդիպումների և այլ միջոցառումների կազմակերպման, ինչպես նաև գրասենյակային և ադմինիստրատիվ հարցերի լուծման
ընթացքում։

• Տրամադրել տեղեկություններ Ընկերության գործունեության, մատուցվող ծառայությունների և թափուր
  աշխատատեղերի վերաբերյալ
• Ընդունել և մշակել մուտքային հեռախոսազանգերը, պարզել դրանց բնույթը, տրամադրել անհրաժեշտ
  տեղեկություններ կամ փոխանցել համապատասխան մասնագետին
• Ճշտել գրասենյակի այցելուների այցի նպատակը, տրամադրել նրանց անհրաժեշտ տեղեկություններ,
  անհրաժեշտության դեպքում ուղղորդել համապատասխան բաժին
• Հաշվառել մուտքային և ելքային փաստաթղթերը, կառավարել մուտքային և ելքային նամակները
• Գործնական հանդիպումների ժամանակ կազմակերպել հյուրասիրություն ընկերության գործընկերների և
  այցելուների համար
• Վերահսկել քարտանցագրային համակարգի և վերելակի աշխատանքը, առաջացած խնդիրների դեպքում
  ժամանակին տեղեկացնել պատասխանատու անձանց
• Աջակցել հավաքագրումների, թրեյնինգների և այլ ներքին միջոցառումների կազմակերպմանը (մասնակիցների
  գրանցում, անհրաժեշտ նյութերի նախապատրաստում, հյուրասիրություն և ընթացիկ ադմինիստրատիվ հարցերի
  լուծում)
• Հետևել գրասենյակային պարագաների, գրենական պիտույքների, խոհանոցային և այլ անհրաժեշտ նյութերի
  առկայությանը, ժամանակին տեղեկացնել դրանց համալրման անհրաժեշտության մասին
• Իրականացնել պաշտոնի շրջանակներում իրեն վերապահված այլ ադմինիստրատիվ և կազմակերպչական
  գործառույթներ, որոնք կարող են ժամանակ առ ժամանակ ողջամտորեն պահանջվել