1. ԸՆԴՀԱՆՈՒՐ ԴՐՈՒՅԹՆԵՐ

1. «Երևանի պետական համալսարան» հիմնադրամի (այսուհետ՝ ԵՊՀ) ակադե­միական միավորի (ֆակուլտետ, ինստիտուտ, կենտրոն) որակի ապահովման և մեթո­դական հանձնաժողովը (այuուհետ` հանձնա­ժողով) մշտական հիմունքներով գործող հանձնաժողով է, որն իրականացնում է ԵՊՀ կանոնադրությամբ, ակադեմիական միա­վորի կանո­նակարգով, ԵՊՀ ներքին իրավական ակտերով ու սույն աշխատակարգով սահմանված գործառույթներ։

2. Հանձնաժողովի նպատակն է ակադեմիական միավորում որակի ներքին ապա­հովման գործընթացների կազմակերպումը, իրականացումը, օժանդակումը, խորհրդա­տ­վության տրամադրումը, որակի ներքին ապահովման գործընթացների նկատ­մամբ վերա­հսկողության իրականացումն ու ակադեմիական միավորի ղեկավարին և դասախոսական կազմին կրթական գործընթացի վերաբերյալ առաջարկությունների ներկայացումը:

3. Հանձնաժողովն իր գործունեությունն իրա­­կանացնում է ԵՊՀ որակի ապահովման հայե­ցա­կարգին, որակի ներքին ապահովման կարգերին ու ուղեցույցներին համապա­տասխան:

4. Հանձնաժողովն իր իրավասությանը ենթակա հարցերը քննարկում է իրնախաձեռնությամբ, ակադեմիական միավորի ղեկավարի կամ ԵՊՀ որակի ապահովման կենտրոնի, ԵՊՀ մեթոդական խորհրդի առաջարկով։

5. Հանձնաժողովը բաղ­կա­ցած է չորս անդամից, որոնցից մեկնուսանող է:

6. Հանձնաժողովի անդամների թեկնածությունն առաջարկում են ուսումնական աշխա­տանքները համակարգող պրոռեկտորն ու Որակի ապահովման կենտրոնի տնօ­րենը: Աշխատող անդամի թեկնածությունը նախապես քննարկվում է ակադեմիական միավորի ղեկավարի հետ, իսկ ուսանող անդամի թեկնածությունը՝ ակադեմիական միավորի ուսանողական կառույցների հետ:

Հանձնաժողովի կազմում չեն ընդգրկվում ակադեմիական միավորի ղեկավարը և կրթական ծրագրերի ղեկավարները:

Հանձնաժողովի անվանական կազմը հաս­տատում է ԵՊՀ ռեկտորը՝ երեք տարի ժամկետով:

2. ՀԱՆՁՆԱԺՈՂՈՎԻ ԳՈՐԾԱՌՈՒՅԹՆԵՐԸ

7. Հանձնաժողովի գործառույթներն են.

1) ակադեմիական միավորում ԵՊՀ որակի ներքին ապահովման չափորոշիչների, գործըն­թաց­ների և/կամ ընթացակարգերի կիրարկման նկատմամբ վերա­հսկո­ղու­թյունը ԵՊՀ որակի ապահովման կենտրոնի, ԵՊՀ մեթոդական խորհրդի ու ԵՊՀ գիտա­կան խորհրդի որակի ապահով­ման մշտական հանձնաժողովի հետ համա­գործակցությամբ,

2) ակադեմիական միավորի կրթական ծրագրերի արտոնման, մշա­կ­ման, հաստատման, ընթացիկ մշտադիտարկ­ման (մոնիթո­րինգի) ու պարբե­րական վերա­նայման գործընթացների համակարգումն ու աջակցությունը դրանց իրակա­նաց­մանը,

3) ակադեմիական միավորի կրթական ծրագրերի որակի ինք­նագնա­հատման գործընթաց­ների կազմակերպումն ու համակարգումը ծրագրերի արտաքին գնահա­տման (աուդիտ, հավատարմա­գրում) գործընթացների շրջանակ­ում,

4) ակադեմիական միավորի կրթական ծրագրերի հավատարմագրման նպատակով կազմվող ինքնագնահատման զեկույցների մշակման աշխատանքային խմբերի կազմումը, խորհրդատվությունն ու մասնակցությունը զեկույցների մշակման աշխատանքներին,

5) կրթական գործընթացին առնչվող կարգերի մասին իրազեկումը ակադեմիական միա­վորի դասախոսական կազմին,

6) ակադեմիական միավորի կանո­նակարգով, ԵՊՀ ներքին իրավական ակտերով ու uույն աշխատակար­գով իրեն վերապահված այլ գործառույթների իրականա­ցումը։

3. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՄԱՆ ԿԱՐԳԸ

8. Հանձնաժողովի գործունեությունը կազմակերպվում է նիuտերի միջոցով, որոնք հրավիրվում են ուսումնական կիսամյակում առնվազն մեկ անգամ։ 

9. Հանձնաժողովի նիuտն իրավազոր է, եթե դրան մաuնակցում է առնվազն 3 անդամ։ Հանձնաժողովում որոշումներն ընդունվում են նիստին ներկա անդամների ձայների պարզ մեծամաuնու­թյամբ։ Ձայների հավասարության դեպքում հանձնաժողովի նա­խա­գահն ունի վճռորոշ ձայնի իրավունք։

10. Հանձնաժողովի նախագահի բացակայության դեպքում նիuտը վարում է նրա կողմից նշանակված անդամը։

11. Հանձնաժողովի նիuտերն անցկացվում են նախագահի կողմից առաջարկվող oրակարգով ևարձանագրվում են։

12. Հանձնաժողովի նախագահը`

1) հրավիրում և վարում էհանձնաժողովի նիuտերը,

2) համակարգում է հանձնաժողովի որոշումների ընդունման գործընթացը,

3) առանձին հարցերի քննարկման նպատակով կարող է հրավիրել համա­պատասխան մաuնագետների ու փորձագետների,

4) իրականացնում է ԵՊՀ ներքին իրավական ակտերով ու uույն աշխա­տա­կարգով նախատեuված այլ լիազորություններ։

13. Հանձնաժողովի անդամը`

1) մասնակցում է հանձնաժողովի նիստերին ու քննարկումներին,

2) քվեարկության միջոցով մաuնակցում է որոշումների ընդունմանը,

3) իրականացնում է ԵՊՀ ներքին իրավական ակտերով և սույն աշխա­տակար­գով իրեն վերապահված այլ լիազորություններ։

14․ Հանձնաժողովի նախագահին իր գործունեությունն իրականացնելու համար հատկացվում է 40 ժամ տարեկան ուսումնական բեռնվածություն, իսկ հանձնաժողովի անդամին (բացառությամբ ուսանող անդամի)՝ 30 ժամ տարեկան ուսումնական բեռնվածություն։