Երևանի պետական համալսարանը տարածաշրջանի լավագույն բուհերից մեկն է, որտեղ ստացած կրթությունը հնարավորություն է տալիս դառնալու մրցունակ մասնագետ ոչ միայն Հայաստանում, այլև ամբողջ աշխարհում։
Համալսարանն առաջարկում է բակալավրիատի և մագիստրատուրայի բազմաթիվ կրթական ծրագրեր, որոնց շրջանակում ուսանողները բացահայտում են գիտության տարբեր բնագավառներ, հնարավորություն ունենում ծանոթանալու միջազգային փորձին ոչ միայն համալսարանում, այլև արտասահմանյան մի շարք բուհերում, ինչպես նաև ստանալու կրթաթոշակներ և օգտվելու մի շարք այլ հնարավորություններից:
Այս հատկանիշների շնորհիվ ԵՊՀ-ն այն լավագույն ընտրությունն է, որն առաջարկվում է բոլոր նրանց, ովքեր ձգտում են Հայաստանում բարձրորակ կրթություն ստանալուն, մասնագիտական ոլորտում շարունակական առաջընթաց գրանցելուն և աշխատաշուկայում առաջատար ու պահանջված մասնագետ դառնալուն։
Կրթական ծրագրերի ցանկում ներկայացված են ԵՊՀ-ում առկա կրթական ծրագրերը՝ իրենց բաղադրիչներով։
«Կրթական ծրագրերի որոնման հարթակ»-ը հնարավորություն է տալիս կրթական ծրագրերի բազայում որոնում կատարելու՝ ըստ բանալի բառերի, ուստարվա, ֆակուլտետի և այլ բաղադրիչների։
ԵՊՀ-ն առաջարկում է բակալավրիատի և մագիստրատուրայի բազմաթիվ կրթական ծրագրեր գիտության տարբեր բնագավառներում։
ԵՊՀ-ն ունի միջազգայնացման մեծ հանձնառություն և համագործակցություն է հաստատել աշխարհի տարբեր համալսարանների ու հետազոտական կենտրոնների հետ: Սա հնարավորություն է տալիս ԵՊՀ ուսանողներին սովորելու արտերկրում և մասնակցելու միջազգային հետազոտական նախագծերի։
Համալսարանը բազմալեզու միջավայր է, որտեղ ուսանողները հնարավորություն ունեն զարգացնելու լեզվական հմտությունները՝ դառնալով մրցունակ մասնագետներ թե՛ Հայաստանում, թե՛ Հայաստանի սահմաններից դուրս։
ԵՊՀ-ն կարևորում է քննադատական մտածողության ձևավորումն ու զարգացումը, ինչն էական նշանակություն ունի ինչպես ուսման մեջ, այնպես էլ աշխատանքում հաջողության հասնելու տեսանկյունից:
Ակադեմիական գրագրության կենտրոնը ԵՊՀ-ում գործում է 2022 թ․։ Տեխնիկական նորագույն սարքավորումներով հագեցած կենտրոնը ԵՊՀ ուսանողներին և երիտասարդ հետազոտողներին առաջարկում է մի շարք ծառայություններ՝ միտված հետազոտական գործունեության արդյունավետության բարձրացմանը, հետազոտական կարողությունների, գիտական տեքստեր գրելու հմտությունների զարգացմանը:
Հետազոտողները ուսումնասիրություններ կատարելիս հնարավորություն ունեն օգտվելու ակադեմիական գրագրության կենտրոնի ուղեցույցներից, ինչպես նաև ստանալու իրենց հարցերի պատասխանները կենտրոնի աշխատակցից։
Անհրաժեշտության դեպքում հետազոտողները հնարավորություն ունեն ամրագրելու խորհրդատվություն մասնագետների հետ։
Բակալավրիատի շրջանավարտներին մանկավարժի որակավորման շնորհումը կատարվում է Հայաստանի Հանրապետության կրթության և գիտության նախարարի՝ 2015 թ. հուլիսի 3-ի N 647-Ա/Ք հրամանով հաստատված՝ Հայաստանի Հանրապետության բարձրագույն մասնագիտական կրթության մասնագիտությունների կրթական ծրագրերի համաձայն, իսկ ուսուցումը կազմակերպվում է «Կրեդիտային համակարգով ուսումնական գործընթացի կազմակերպման օրինակելի կարգի» պահանջներին համապատասխան:
Մանկավարժի որակավորում ստանալու համար կազմակերպվող դասընթացներին ուսանողները մասնակցում են կամավորության սկզբունքով՝ ՀՀ ԿԳՄՍ նախարարության հետ համաձայնեցված մասնագիտությունների ցանկի հիման վրա:
