Նախապատրաստական դասընթացների կազմակերպման հիմնական նպատակը ՀՀ հանրակրթական հաստատությունների (դպրոցներ, քոլեջներ, վարժարաններ, նախնական մասնագիտական հաստատություններ) ավարտական դասարանների աշակերտների և սովորողների` բուհ ընդունվելուն նախապատրաստելն է, ինչպես նաև ուսումն այնտեղ շարունակելու համար ամուր հիմքերի ստեղծումը:
Ութամսյա նախապատրաստական դասընթացների դիմորդների գիտելիքների նախնական մակարդակին համապատասխան խմբեր ձևավորելու համար հանրակրթական բոլոր առարկաներից նախապես անցկացվում է թեստավորում:
Նախապատրաստական դասընթացների կրթական ծրագրերի բովանդակությունն ու որակն ապահովելու նպատակով, ըստ հանրակրթական առարկաների, ձևավորվում է փորձագիտական խորհուրդ:
Յուրաքանչյուր առարկայի ուսման վարձը 200 000 (երկու հարյուր հազար) ՀՀ դրամ է: Դասընթացները վարում են համալսարանի առաջնակարգ և փորձառու դասախոսները:
ԵՊՀ նախապատրաստական դասընթացների բաժինը շարունակում է 2023/2024 ուստարվա դիմորդների ընդունելություն հանրակրթական բոլոր առարկաներից։ Դասընթացները սկսվում են հոկտեմբերի 1-ին և ավարտվում մայիսի 31-ին։
Յուրաքանչյուր առարկայի դասընթացի տարեկան արժեքը 200 000 ՀՀ դրամ է։
Դիմորդները ներկայացնում են 1 լուսանկար և ծննդյան վկայականի/անձնագրի պատճենը։
Ընդունելության և դիմորդների հետ տարվող աշխատանքների կենտրոնի նախապատրաստական դասընթացների բաժին
Հասցե՝ ք․ Երևան, Աբովյան փ․, 52ա, 115 սեն.
Հեռ.` (+374 60) 710 679, (ներքին՝ 76-79 ), (+374 96) 710 679
Էլհասցե` pre-ued@ysu.am
