Քիմիայի գիտահետազոտական կենտրոն

Քիմիայի գիտահետազոտական կենտրոնի կառուցվածքային միավորներն են.

• Օրգանական քիմիայի լաբորտորիա (գիտական ղեկավար՝ ք․գ․դ․, պրոֆեսոր Ն. Ա. Դուրգարյան),

• Ասիմետրիկ կատալիզի գիտական խումբ (գիտական ղեկավար՝ ք.գ.թ․, դոցենտ Ա. Ս. Գալստյան),

• Ֆիզիկական քիմիայի լաբորտորիա (գիտական ղեկավար՝ ք.գ.դ․, պրոֆեսոր Կ. Ռ. Գրիգորյան),

• Անօրգանական քիմիայի լաբորտորիա (գիտական ղեկավար՝ ք.գ.դ․, պրոֆեսոր Ռ. Ս. Հարությունյան),

• Էկոլոգիայի անվտանգության լաբորատորիա (գիտական ղեկավար՝ ք․գ․թ․, դոցենտ Ա․ Ի․ Մարտիրյան):

Վերոնշյալ ստորաբաժանումներում կատարվում են հետազոտական հետևյալ աշխատանքները․

• ծծումբ, ազոտ և թթվածին պարունակող մի շարք կարևոր օրգանական միացու­թյուն­ների սինթեզի մեթոդների, ներառյալ՝ ասիմետրիկի մշակում, սինթեզված միացությունների կենսաբանական և կատալիտիկ հատկությունների ու կառուցվածքի հետ դրանց կապի բացահայտում,

• ֆիզիկաքիմիական եղանակների՝ ֆլուորեսցենտային, ՈՒՄ-տեսանելի, ԻԿ և Ռաման սպեկտ­րաչափական, տատանողական ռեզոնանսային խտաչափական, մասնիկների չափսերի որոշման և համակարգչային մոդելավորման օգնությամբ մի շարք մոլեկուլների և կենսաբանական թիրախների ուսումնասիրություն, զարգացման մեծ հեռանկարներ ունեցող օրինա­չա­փությունների բացահայտում,

• բնական կլանիչների վրա ֆիզիկական գործոնների ազդեցության ուսումնասիրություն, կլանիչի ֆի­զի­կական վերափոխման արդյունավետության գնահատման ֆիզիկական պարամետրի՝ մակերևութային պոտենցիալի որոշում, կոմպլեքս միացությունների հատկությունների սինթեզում և ուսումնասիրություն,

• ՀՀ մի շարք գետերի ջրա­քի­միական բաղադրության սեզոնային փոփոխությունների ուսումնասիրություն և աղտոտիչների նույնականացում: