ԵՊՀ-ում գործում է օտարերկրյա քաղաքացիների համար նախատեսված «Նախապատրաստական դասընթացներ»-ի բաժինը, որտեղ հնարավորություն ունեն ընդունվելու այն օտարերկրացիները, որոնց կրթական մակարդակը համապատասխանում է ՀՀ միջնակարգ դպրոցի ծրագրին, այդ թվում նաև նրանք, ովքեր բավարար չափով չեն տիրապետում հայերենին:

Օտարերկրյա ուսանողները, ընդհանուր կրթության գիտելիքների (մաթեմատիկա, պատմություն, քիմիա, կենսաբանություն, աշխարհագրություն, օտար լեզու և այլն) ամրապնդելուն զուգահեռ, սովորում են հայերեն կամ լրացնում հայոց լեզվի իրենց իմացությունը:

Ուստարվա վերջում օտարերկրյա այն ուսանողները, որոնք հաջողությամբ հանձնել են քննությունները, ընդունվում են համապատասխան ֆակուլտետներ:

Հասցե՝ Ալեք Մանուկյան 1, ԵՊՀ կենտրոնական մասնաշենք, 408 սենյակ
Հեռ.՝ (+374 10) 555 244 (ներքին՝ 11-37 (բաժնի վարիչ), 11-36 (բաժնի աշխատակիցներ)
Էլհասցեներ՝ foreignstudent@ysu.am, diaspora@ysu.am

Օտարերկրյա քաղաքացիները ԵՊՀ դիմելու համար պետք է ներկայացնեն հետևյալ փաստաթղթերը․

1. դիմում` համաձայն կից ներկայացված ձևի,

2. դիմում-հարցաթերթիկ` համաձայն կից ներկայացված ձևի,

3. բժշկական տեղեկանք` ընդհանուր առողջական վիճակի մասին (սույն տեղեկանքը կարող է տրված լինել նաև Հայաստանի Հանրապետության բժշկական կազմակերպությունների կողմից),

4. անձնագրի պատճենը,

5. սփյուռքահայ դիմորդների համար` ծննդյան վկայականի պատճենը` նոտարով վավերացված, կամ մկրտության վկայականի պատճենը,

6. կրթական աստիճանի վերաբերյալ ավարտական փաստաթղթի պատճենը (գնահատականներով)` թարգմանված և նոտարական, իսկ առանձին երկրների դեպքում` նաև միջազգային վավերացմամբ (ապոստիլ),

7. 3x4 չափսի 4 լուսանկար,

8. ինքնակենսագրություն (CV)` հայերենով, ռուսերենով կամ անգլերենով,

9. հետբուհական մասնագիտական կրթություն ստանալու համար՝ ընտրած մասնագիտության թեմայով գիտական ռեֆերատ` 20 էջի սահմաններում (հայերենով, ռուսերենով կամ անգլերենով):

Դիմորդի կողմից ներկայացվող փաստաթղթերի փաթեթը ոչ ամբողջական կամ թերի լինելու դեպքում չեն ուսումնասիրվելու և վերադարձվելու են դիմորդին։

Դիմորդը, նրա կողմից լիազորված անձը կամ ուսումնական հաստատության ներկայացուցիչը վերոնշյալ կետերով (1-9-րդ) պահանջվող փաստաթղթերը սահմանված ժամկետներում պետք է ներկայացնի ՀՀ ԿԳՄՍՆ արտաքին կապերի և սփյուռքի վարչություն կամ պահանջվող փաստաթղթերի էլեկտրոնային տարբերակները ուղարկի secretariat@escs.am էլհասցեին։

Գիտելիքի գնահատման ընթացքում դիմորդը, նրա կողմից լիազորված անձը կամ ուսումնական հաստատության ներկայացուցիչը պարտավոր է նախարարության էլեկտրոնային հասցեին ուղարկած 1-9-րդ կետերով պահանջվող փաստաթղթերի բնօրինակները ներկայացնել ՀՀ ԿԳՄՍՆ արտաքին կապերի և սփյուռքի վարչություն: