Ռազմավարական պլանավորման կենտրոն

Ռազմավարական պլանավորման կենտրոնը ԵՊՀ կառուցվածքային առանձին ստորաբաժանում է, որը գործում է ՀՀ օրենսդրության և ԵՊՀ կանոնադրության համապատասխան։ Կենտրոնը ստեղծվել է համալսարանի հավատարմագրման գործընթացի արդյունքում և ակտիվորեն գործում է 2022 թվականի սեպտեմբերից:

Ռազմավարական պլանավորման կենտրոնը կազմակերպում է ԵՊՀ ռազմավարական պլանավորման գործընթացը, կազմում է զարգացման ծրագրերի նախագծերը, մշտադիտարկման ու գնահատման պլանը, կատարում մշտադիտարկում, կազմում համապատասխան զեկույցներ:

ԵՊՀ կառուցվածքային ստորաբաժանումների հետ համատեղ մշակում է նրանց ռազմավարական ծրագրերի ու գործողությունների պլանի նախագծերը, ռազմավարական ծրագրերի ու տարեկան գործողությունների պլանների կատարման հաշվետվությունները, ապահովում աշխատանքի պլանավորման գործընթացը:

Կենտրոնի կողմից ձեռնարկվող քայլերը նպատակաուղղված են շարունակաբար լավարկելու ակադեմիական միջավայրը, արդիականացնելու կրթական գործընթացները և ստեղծելու լավագույն պայմաններ ուսանողների, պրոֆեսորադասախոսական կազմի և գիտնականների համար:

«Երևանի պետական համալսարան» հիմնադրամի 2025-2030 թթ․ ռազմավարական ծրագիրը՝ այստեղ։