«Եվրոպագիտություն, իրավունք, կառավարում և հաղորդակցություն» մագիստրոսական համատեղ ծրագրի մշակում (DEGES)
«Եվրոպագիտություն, իրավունք, կառավարում և հաղորդակցություն» մագիստրոսական համատեղ ծրագրի մշակումը (DEGES) նախագիծ է, որն իրականացվում է Երևանի պետական համալսարանի կողմից՝ համագործակցելով Հայաստանի, Վրաստանի, Սլովենիայի, Լատվիայի և Լիտվայի հինգ համալսարանների հետ:
Նախագծի հիմնական նպատակը նոր, միջառարկայական և նորարարական «Էրազմուս Մունդուս» մագիստրոսական համատեղ ծրագրի մշակումն ու նախագծումն է՝ ԵՄ բարձրագույն կրթության տարածքի (EHEA) համատեղ ծրագրերի որակի ապահովման չափանիշներին համապատասխան, որը կարող է հավաստագրվել ազգային և/կամ միջազգային որակի ապահովման գործակալությունների կողմից։
Նախագիծը խթանել է ծրագրի ուսումնական պլանի արդիականացումը և միջազգայնացումը, օգնել է զարգացնել օտարերկրյա ուսանողների ընդունելությունը և համալսարանական կյանքին ինտեգրումը, ամրապնդել է համալսարանների, ակադեմիական համայնքի և հետազոտողների գործակցային ցանցը՝ նպաստելով նրանց ներգրավվածությանը եվրոպական բարձրագույն կրթության տարածքում:
Նախագծի շրջանակում անցկացվել են մի շարք միջոցառումներ, այդ թվում՝ ակադեմիական անձնակազմի կարողությունների զարգացման դասընթացներ, սեմինարներ և հանդիպումներ՝ շահագրգիռ կողմերի, քաղաքականություն մշակողների, աշխատաշուկայի ներկայացուցիչների և գիտական հանրույթի մասնակցությամբ։
Նախագծի եզրափակիչ համաժողովին մասնակցել են ծրագրի շահառուները, ուսանողները և քաղաքականություն մշակողները։
ՆԱԽԱԳԾԻ ՆՊԱՏԱԿՆԵՐԸ
- Բացահայտել մագիստրոսական համատեղ ծրագրի ստեղծման առկա բացերը և մարտահրավերները թիրախային համալսարաններում։
- Նորարարական մոտեցումների ներդրման միջոցով խթանել ուսուցման, ուսումնառության և հետազոտությունների զարգացումը։
- Նպաստել մասնակից համալսարանների միջազգայնացմանը նախագծի արդյունքների տարածման միջոցով։
- Մշակել եվրոպական չափանիշներին համապատասխան միջառարկայական կրթական ծրագիր, որը հնարավորություն կտա ստանալու կրկնակի/բազմակի դիպլոմներ։
ԾՐԱԳՐԻ ԿՈՈՐԴԻՆԱՏՈՐ
Երևանի պետական համալսարան, Եվրոպական ուսումնասիրությունների կենտրոն
ԳՈՐԾԸՆԿԵՐ ՀԱՄԱԼՍԱՐԱՆՆԵՐ
- Թբիլիսիի Իվանե Ջավախիշվիլիի անվան պետական համալսարան (Վրաստան)
- Վիձեմեի կիրառական գիտությունների համալսարան (Լատվիա)
- Վիլնյուսի համալսարան (Լիտվա)
- Լյուբլյանայի համալսարան (Սլովենիա)
ՆԱԽԱԳԾԻ ՏԵՎՈՂՈՒԹՅՈՒՆԸ
Հոկտեմբերի 2, 2022 – հունվարի 31, 2024
Այս ծրագիրը ֆինանսավորում է ստացել Եվրոպական միության կողմից
Project number: 101082758 – DEGES ERASMUS-EDU-2022-EMJM-DESIGN
