ԵՊՀ-ում էր ՆԱՏՕ-ի գլխավոր քարտուղարի՝ կանանց, խաղաղության և անվտանգության հարցերով հատուկ ներկայացուցիչ Իրեն Ֆելինը

ԵՊՀ ռեկտորը, ողջունելով բարձրաստիճան հյուրին, ընդգծեց այցի շրջանակում քննարկվող հարցերի կարևորությունն ու արդիականությունը:

ՆԱՏՕ-ի գլխավոր քարտուղարի հատուկ ներկայացուցիչ Իրեն Ֆելինը հանդես եկավ բանախոսությամբ՝ ընդգծելով կանանց մասնակցության ու ձայնի լսելի լինելու կարևորությունը քաղաքականությունների մշակման, բանակցությունների վարման և անվտանգության հարցերում:

«Վերջին տարիների ընթացքում անվտանգության միջավայրի փոփոխության հետ մեկտեղ փոխվել են նաև քննարկման թեմաները: Մենք ավելի ու ավելի մեծ ուշադրություն ենք դարձնում պաշտպանության և անվտանգության հարցերին։ Այս համատեքստում «Կանայք, խաղաղություն և անվտանգություն» օրակարգում ներառված են նաև մարդկային անվտանգությանը վերաբերող հարցեր»,- նշեց Իրեն Ֆելինը։

Բանախոսը մանրամասնորեն ներկայացրեց ՆԱՏՕ-ում ծավալած իր գործունեությունը մարդուն, խաղաղությանը և անվտանգությանը առնչվող ոլորտներում՝ մատնանշելով, թե ինչպես կենտրոնանալ իրենց առաջնահերթությունների՝ զսպման և պաշտպանության ապահովման վրա, քանի որ դրանք տակավին օրակարգային հարցեր են ողջ աշխարհի համար:

Գիտական խորհրդի նիստերի դահլիճում տեղի ունեցած բանախոսությանը ներկա էին նաև ԵՊՀ ուսանողներ, որոնք հնարավորություն ունեցան իրենց հետաքրքրող հարցերն ուղղելու ՆԱՏՕ-ի գլխավոր քարտուղարի հատուկ ներկայացուցիչ Իրեն Ֆելինին։