Երկարաձգվել է ԵՊՀ կոլեկտիվ պայմանագիրը

ԵՊՀ ռեկտոր Հովհաննես Հովհաննիսյանը և արհեստակցական կազմակերպության նախագահ Ռուբեն Սերոբյանը ստորագրել են համապատասխան համաձայնագիր, որով 2024 թվականի հուլիսի 18-ին կնքված կոլեկտիվ պայմանագրի գործողության ժամկետը երկարաձգվել է ևս երեք տարով։

Կոլեկտիվ պայմանագրի նպատակն աշխատակիցների աշխատանքային, սոցիալ-տնտեսական և իրավական շահերի ու իրավունքների ներկայացումն ու պաշտպանությունն է։

Համալսարանում բարենպաստ աշխատանքային միջավայրի ապահովման և մարդկային ռեսուրսների կառավարման համակարգի կատարելագործման գործում կարևոր դեր ունեցող ԵՊՀ արհեստակցական կազմակերպությունը շարունակում է իրականացնել իր կանոնադրական գործառույթները՝ նպաստելով աշխատակիցների շահերի պաշտպանությանը և սոցիալական ծրագրերի արդյունավետ իրականացմանը։

Պայմանագրի երկարաձգումը միտված է ԵՊՀ աշխատակիցների սոցիալական պաշտպանության երաշխիքների պահպանմանն ու աշխատանքային իրավունքների պաշտպանությանն ու իրացմանը։