ԵՊՀ հոգաբարձուների խորհուրդը համալսարանի կառավարման բարձրագույն և հսկողություն իրականացնող մարմինն է, որի լիազորությունների ժամկետը 5 տարի է:
ԵՊՀ հոգաբարձուների խորհուրդը հաստատում է ԵՊՀ գործունեության զարգացման ռազմավարական ծրագրերը, կառուցվածքը, հաստիքացուցակը և դրանցում լրացումներն ու փոփոխությունները, ինչպես նաև ԵՊՀ եկամուտների և ծախսերի տարեկան նախահաշիվը, դրա փոփոխությունները, տարեկան ֆինանսական հաշվետվությունները, ԵՊՀ գործունեության մասին տարեկան հաշվետվություններն ու տարեկան հաշվեկշիռը։
Այն կազմակերպում և հաստատում է համալսարանի ռեկտորի, մասնաճյուղի տնօրենի ընտրությունները, լսում և գնահատում է ռեկտորի տարեկան գործունեության և ռազմավարական ծրագրի կատարման տարեկան հաշվետվությունները, քննարկում և քվեարկում է նրան անվստահություն հայտնելու հարցը։
ԵՊՀ հոգաբարձուների խորհուրդը ձևավորվում է ԵՊՀ պրոֆեսորադասախոսական կազմի, սովորողների, Հիմնադրի և Լիազոր մարմնի ներկայացուցիչներից: ԵՊՀ հոգաբարձուների խորհրդի անդամները 20-ն են։
«Երևանի պետական համալսարան» հիմնադրամի հոգաբարձուների խորհրդի կազմը
Հիմնադրի անունից առաջադրված խորհրդի անդամներ
- Սուրեն Պապիկյան - ՀՀ պաշտպանության նախարար
- Աննա Բաբաջանյան - ՀՀ կրթության, գիտության, մշակույթի և սպորտի նախարարի տեղակալ
- Աննա Վարդապետյան - ՀՀ գլխավոր դատախազ
- Դավիթ Թադևոսյան - ՀՀ բարձր տեխնոլոգիական արդյունաբերության և արհեստական բանականության նախարար
- Լիլիթ Մկրտչյան - ՀՀ կրթության, գիտության, մշակույթի և սպորտի նախարարության բարձրագույն կրթության և գիտության կոմիտեի նախագահի տեղակալ
Լիազոր մարմնի կողմից առաջադրված խորհրդի անդամներ
- Արմեն Սիմոնյան - «Ակադեմիական քաղաք» հիմնադրամի տնօրեն (համաձայնությամբ)
- Հովհաննես Մովսիսյան - «Հայաստանի հանրային հեռուստաընկերություն» ՓԲԸ-ի գործադիր տնօրեն (համաձայնությամբ)
- Գևորգ Քառյան - «Ա. Ի. Ալիխանյանի անվան ազգային գիտական լաբորատորիա» հիմնադրամի տնօրեն (համաձայնությամբ)
- Գուրգեն Գասպարյան - «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտի ձեռագիր հավաքածուների թվայնացման բաժնի ղեկավար (համաձայնությամբ)
- Աշոտ Սաղյան - ՀՀ գիտությունների ազգային ակադեմիայի նախագահ (համաձայնությամբ)
Պրոֆեսորադասախոսական կազմից ընտրված խորհրդի անդամներ
- Խաչատուր Խաչատրյան - Երևանի պետական համալսարանի ֆունկցիաների տեսության և դիֆերենցիալ հավասարումների ամբիոնի վարիչ, ֆիզմաթ. գիտ. դոկտոր, պրոֆեսոր
- Քրիստինե Յախշյան - Երևանի պետական համալսարանի հայոց պատմության ամբիոնի ասիստենտ, պատմ. գիտ. թեկն․
- Նարինե Խաչատրյան - Երևանի պետական համալսարանի անձի հոգեբանության ամբիոնի վարիչ, հոգեբ. գիտ. թեկն., դոցենտ
- Աննա Փոլադյան - Երևանի պետական համալսարանի կենսաքիմիայի, մանրէաբանության և կենսատեխնոլոգիայի ամբիոնի վարիչ, կենս. գիտ. դոկտոր, պրոֆեսոր
- Հայկ Քոչարյան - Երևանի պետական համալսարանի արաբագիտության ամբիոնի վարիչ, պատմ. գիտ. թեկն., դոցենտ
Ուսանողության կողմից ընտրված խորհրդի անդամներ
- Հասմիկ Ափրեյան - Երևանի պետական համալսարանի փիլիսոփայության և հոգեբանության ֆակուլտետի ուսանող
- Միլենա Փափազյան - Երևանի պետական համալսարանի արևելագիտության ֆակուլտետի ուսանող
- Բենիկ Բալայան - Երևանի պետական համալսարանի տնտեսագիտության և կառավարման ֆակուլտետի ուսանող
- Մերի Բագրատյան - Երևանի պետական համալսարանի միջազգային հարաբերությունների ֆակուլտետի ասպիրանտ
- Արթուր Դավթյան - Մանկավարժության և կրթության զարգացման կենտրոնի ուսանող