Մաթեմատիկան՝ նոր հետազոտությունների և միջազգային համագործակցության հարթակ. ԵՊՀ-ում մեկնարկել է միջազգային գիտաժողով Աշխարհի տարբեր երկրներից ԵՊՀ-ում համախմբվել են մաթեմատիկական անալիզի և դիֆերենցիալ հավասարումների ոլորտների մասնագետներն ու հետազոտողները։ «Մաթեմատիկական անալիզ և դիֆերենցիալ հավասարումներ» միջազգային գիտաժողովի ընթացքում ներկայացվում են նոր հետազոտություններ և ժամանակակից մեթոդներ, քննարկվում ոլորտի արդի հիմնախնդիրներն ու գիտական համագործակցության նոր հնարավորությունները։
ԵՊՀ-ում քննարկվում են չղջիկների հետազոտության և պահպանության արդի խնդիրները ԵՊՀ կենսաբանության ֆակուլտետի կենդանաբանության ամբիոնի նախաձեռնությամբ մեկնարկել է Արևելյան Եվրոպայի չղջիկների ուսումնասիրությանը նվիրված գիտաժողովը (EEBRC), որը համախմբել է տարածաշրջանի գիտնականներին՝ քննարկելու չղջիկների էկոլոգիայի, կենսաբազմազանության, մշտադիտարկման և պահպանության արդի խնդիրները։
Երազանքին մոտեցնող ևս մեկ քայլ․ Թաբիբյան կրթաթոշակի նոր շահառուները՝ ԵՊՀ-ում ԵՊՀ ուսանողների համար Թաբիբյան կրթաթոշակին արժանանալը ևս մեկ քայլ է դեպի իրենց երազանքները։ Դիանան և Սուսաննան, օրինակ, երազում են հինգ տարի հետո Հայաստանում հիմնել ՏՏ ոլորտի խոշոր կենտրոն։ Այդ մասին նրանք գրել էին նաև ծրագրին դիմելու իրենց մոտիվացիոն նամակներում՝ մասնագիտական ապագան կապելով Հայաստանի զարգացման և նոր հնարավորություններ ստեղծելու հետ։ ԵՊՀ-ում կայացած հանդիպման ընթացքում 2026-2027 ուսումնական տարվա Թաբիբյան կրթաթոշակի արժանացած վեց ուսանողներին հանձնվեցին հավաստագրերը։
ԵՊՀ-ում ամփոփվեցին «ReGrad» ծրագրի արդյունքները. բակալավրի կրթական ծրագրերը՝ «կանաչ» և թվային փոխակերպման ուղում ԵՊՀ-ում տեղի ունեցավ «Reforming Undergraduate Education for Green and Sustainable Development in Armenia and Moldova» («ReGrad») ծրագրի եզրափակիչ համաժողովը: Եռամյա ծրագրի նպատակն էր աջակցել Հայաստանում և Մոլդովայում բակալավրի կրթական ծրագրերի բարեփոխումներին՝ ավանդական ուսումնական ծրագրերից անցում կատարելով դեպի ներառական, թվային և «կանաչ» կրթություն։
Երկնային Երուսաղեմը՝ արծաթի վրա. ԵՊՀ հետազոտողի բացահայտումը ԵՊՀ հայ արվեստի պատմության և տեսության ամբիոնի դասախոս Մարիամ Վարդանյանը «Scopus» գիտատեղեկատվական շտեմարանում ընդգրկված Q1 վարկանիշ ունեցող «Religions» պարբերականում հրապարակել է գիտական հոդված՝ նվիրված Ռումինիայի հայոց թեմի հավաքածուում պահվող արծաթե տապանակին։ «Ռումինիայի հայոց թեմի հավաքածուի արծաթե տապանակը. Երկնային Երուսաղեմի պատկե՞ր» խորագրով հոդվածը, որը լույս է տեսել 2026 թ․ փետրվարին, նոր էջ է բացում հայկական ծիսական արվեստի ուսումնասիրության մեջ։
ԵՊՀ գրապահոցի բաժնի վարիչ Մարիա Առաքելյանը պարգևատրվեց շնորհակալագրով ԵՊՀ ռեկտոր Հովհաննես Հովհաննիսյանը շնորհակալագիր հանձնեց Սարգիս և Մարի Իզմիրլյանների անվան գրադարանի գրապահոցի բաժնի վարիչ, ԵՊՀ երկարամյա աշխատակից Մարիա Առաքելյանին՝ արժևորելով նրա շուրջ կեսդարյա նվիրումը համալսարանին և աշխատանքին:
Մշակութային ժառանգությունն ու հակամարտությունները. պրոֆեսոր Լինն Մեսկելի աշխատարանը ԵՊՀ-ում ԵՊՀ փիլիսոփայության և հոգեբանության ֆակուլտետում անցկացվեց երկօրյա աշխատարան՝ Փենսիլվանիայի համալսարանի պրոֆեսոր, հնագետ և մարդաբան Լինն Մեսկելի ղեկավարությամբ։ Աշխատարանի ընթացքում քննարկվեցին «Պատերազմ և անվտանգություն. ժառանգության հակամարտությունն ու ՄԱԿ-ի Անվտանգության խորհուրդը» և «Փրկելով աշխարհը վանդալիզմի համատեքստում» թեմաները։
Վիճարկվող անցյալներ, անորոշ ապագաներ․ միջազգային գիտաժողով ԵՊՀ-ում ԵՊՀ-ում մեկնարկել է «Վիճարկվող անցյալներ, անորոշ ապագա(ներ)․ ժառանգություն, հիշողություն և պատմություն» խորագրով միջազգային գիտաժողովը, որին մասնակցում են փիլիսոփաներ, պատմաբաններ, մարդաբաններ, հնագետներ, ինչպես նաև ժառանգության և հիշողության հիմնախնդիրներով զբաղվող հետազոտողներ։ Սեպտեմբերի 24-26-ը անցկացվող գիտաժողովի ընթացքում քննարկվում է, թե ինչպես է անցյալը մեկնաբանվում, պահպանվում և վիճարկվում տարբեր գիտակարգերում ու հասարակություններում, և ինչ դեր ունեն ժառանգությունն ու պատմական հիշողությունը ներկայի և ապագայի վերաբերյալ պատկերացումների ձևավորման գործում։
Նախագծեր, որոնք փոխում են միջավայրն ու կրթական մշակույթը. «ԲանՈՒԳործ» դպրոց-աշխատարանի արդյունքները Ծրագրեր, որոնք պատրաստ են փոխելու մեր միջավայրն ու կրթական մշակույթը՝ Էկո-արշավներ, առողջական վիճակն արձանագրող խելացի թևնոց, օտարերկրյա ուսանողների ինտեգրման հարթակ, համալսարանի միջավայրի մշտադիտարկում, կենսաբազմազանությանը նվիրված փոդքասթներ. ուսանողները ժյուրիի գնահատմանը ներկայացրին «ԲանՈՒԳործ. ուսանողական նախաձեռնություններ-2026» ծրագրի շրջանակում մշակած միջգիտակարգային նախագծերը:
Ուսանողն ու գործատուն՝ մեկ հարթակում. «ԲանՈՒԳործ․ ԵՊՀ էքսպո-2026» Համալսարանից աշխատաշուկա տանող ճանապարհը սկսվում է ոչ միայն լսարանում. ԵՊՀ-ում անցկացված «ԲանՈՒԳործ. ԵՊՀ էքսպո-2026»-ը մեկ օրում միավորեց կրթությունն ու աշխատաշուկան՝ ուսանողներին ու շրջանավարտներին հնարավորություն տալով հանդիպելու գործատուներին, բացահայտելու կարիերայի նոր ուղիներ, ներկայացնելու սեփական գաղափարներն ու մասնագիտական ներուժը, իսկ կազմակերպություններին՝ գտնելու նոր մասնագետներ և ձևավորելու համագործակցության նոր կապեր։
