Սեպտեմբերի 16-ին՝ ժամը 11:00-ից, ԵՊՀ-ում կանցկացվի «ԲանՈՒԳործ. ԵՊՀ էքսպո-2025» ցուցահանդեսը, որի ժամանակ շուրջ 40 կազմակերպություններ կներկայացնեն իրենց թափուր հաստիքները և առաջարկվող հնարավորությունները։ 

Էքսպոյի շրջանակում ուսանողներին հնարավորություն կընձեռվի՝

• անմիջականորեն շփվելու մի շարք հեղինակավոր գործատուների հետ,

• ստեղծելու կարևոր և օգտակար կապեր,

• ստանալու ճիշտ ինքնակենսագրական (CV) կազմելու վերաբերյալ անվճար խորհրդատվություն,

• մասնակցելու տարբեր խաղերի և վիկտորինաների` ստանալով նվերներ,

• և, իհարկե, գտնելու երազանքի աշխատանքը։

Առկա թափուր հաստիքներին ծանոթանալու համար անցե՛ք հետևյալ հղումով՝ https://tinyurl.com/5anfsrhe 

Չմոռանա՛ք ձեզ հետ վերցնել ինքնակենսագրականը (CV)՝ առաջարկվող բոլոր հնարավորություններից առավել արդյունավետ օգտվելու համար։

«ԲանՈՒԳործ․ ԵՊՀ էքսպո-2025» ցուցահանդեսի շրջանակում ԵՊՀ մարքեթինգի բաժինը հայտարարում է ստեղծագործական մրցույթներ՝

•  «ԵՊՀ-ն իմ աչքերով» խորագրով լուսանկարների մրցույթ,

•  «Մեկ րոպե ԵՊՀ-ում» խորագրով ռիլերի մրցույթ։

Եթե սիրում եք ստեղծել ֆոտո կամ վիդեո պատմություններ, ապա այս մրցույթները հենց ձեզ համար են։

Համալսարանը ներկայացնող լուսանկարը կամ ռիլը անհրաժեշտ է հրապարակել ձեր ֆեյսբուքյան և ինստագրամյան էջերում՝ նշելով այդ սոցհարթակներում ԵՊՀ պաշտոնական էջերը, ինչպես նաև ուղարկել marketing@ysu.am էլհասցեին մինչև ս․թ․ սեպտեմբերի 15-ը։

Մրցույթները կամփոփվեն ցուցահանդեսի օրը՝ ս․թ․ սեպտեմբերի 16-ին՝ միջոցառման ընթացքում։ ԵՊՀ ֆեյսբուքյան և ինստագրամյան պաշտոնական էջերում նախապես կհրապարակվեն հաղթողների անունները։

Հաղթողները կստանան խրախուսական նվերներ, իսկ նրանց աշխատանքները կհրապարակվեն ԵՊՀ ֆեյսբուքյան և ինստագրամյան պաշտոնական էջերում։

Միացե՛ք մեզ, ներկայացրե՛ք ԵՊՀ-ն ձեր դիտանկյունից և դարձե՛ք մեր ցուցահանդեսի մի մասը։

Սիրով սպասում ենք ձեր ստեղծագործություններին։

ԵՊՀ շրջանավարտների և կարիերայի կենտրոնը հավաքագրում է կամավորների՝ էքսպոյի կազմակերպական աշխատանքներում ներգրավելու նպատակով։ 

Կամավորական աշխատանքներին միանալու համար լրացրե՛ք հարցաթերթիկը և դարձե՛ք լայնամասշտաբ այս միջոցառման կազմակերպական մեծ թիմի անդամ։