«Էրազմուս+» համագործակցություն. Օսլոյի համալսարան, Նորվեգիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Օսլոյի համալսարանի (Նորվեգիա) միջև կնքված պայմանագրով նախատեսվում է շարժունություն Արևելագիտության ֆակուլտետի բակալավրիատի և մագիստրատուրայի ուսանողների համար՝ 2026-2027 ուսումնական տարվա 2-րդ կիսամյակում ուսանելու նպատակով։ 

Անգլերենի առնվազն B2 մակարդակի իմացությունը պարտադիր է։ 

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս։

Ծրագրի դիմումներն ընդունվում են էլեկտրոնային տարբերակով ԵՊՀ միջազգային կապերի բաժնում (էլհասցե՝ lia_evoyan@ysu.am)։

Դիմումների ընդունման վերջնաժամկետն է ս.թ. սեպտեմբերի 15-ը՝ ժամը 17:00-ն։

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն՝ PDF տարբերակով)՝ 

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. մոտիվացիոն նամակ,

4. ակադեմիական տեղեկագիր /վավերացված ԵՊՀ միջազգային կապերի բաժնի կամ նոտարի կողմից/,

5. ԵՊՀ-ում ուսանելու վերաբերյալ տեղեկանք,

6. ուսումնառության համաձայնագիր (Learning Agreement for Studies, KA171),

7. անգլերենի և/կամ գերմաներենի իմացությունը հավաստող փաստաթուղթ /TOEFL, IELTS, TestDaF, onDaF, Goethe-Zertifikat և այլն/։ 

Առարկայացանկին կարելի է ծանոթանալ հետևյալ կայքում՝ https://www.uio.no/studier/emner/hf/ikos/?filter.teaching-language=english

Լեզվի իմացությունը հավաստող միջազգային վկայականի ներկայացումը պարտադիր չէ։ Բավարար է ներկայացնել ԵՊՀ միջազգային կապերի բաժնից ստացված համապատասխան փաստաթուղթ, եթե ակադեմիական տեղեկագրում տվյալ լեզվի վերաբերյալ առկա է վերջնական գնահատական՝ գնահատական և ոչ ստուգարք։