«Էրազմուս+» համագործակցություն. Ուփսալայի համալսարան, Շվեդիա

«Էրազմուս+» միջազգային կրեդիտային շարժունության ծրագրի շրջանակում Երևանի պետական համալսարանի և Ուփսալայի համալսարանի (Շվեդիա) միջև կնքված պայմանագրով նախատեսվում է մեկշաբաթյա շարժունություն ԵՊՀ բոլոր ֆակուլտետների պրոֆեսորադասախոսական հիմնական կազմի ներկայացուցիչների համար՝ 2026/2027 ուսումնական տարվա երկրորդ կիսամյակում առնվազն 8 ժամ դասախոսելու նպատակով։

Անգլերենի առնվազն B2 մակարդակի իմացությունը պարտադիր է։

Ֆինանսավորման և «Էրազմուս+» միջազգային կրեդիտային շարժունության ծրագրի վերաբերյալ տեղեկություններ կարելի է գտնել «Էրազմուս+» ազգային գործակալության կայքէջում։ 

Դիմումներն ընդունվում են էլեկտրոնային տարբերակով ԵՊՀ միջազգային կապերի բաժնի lia_evoyan@ysu.am էլեկտրոնային հասցեի միջոցով։

Դիմումների ընդունման վերջնաժամկետն է ս. թ. սեպտեմբերի 22-ը՝ ժամը 17:00-ն։

Դիմելու համար անհրաժեշտ է ներկայացնել հետևյալ փաստաթղթերը (միայն անգլերենով և PDF ձևաչափով)՝

1. անձնագրի պատճեն,
2. ինքնակենսագրական (CV)՝ «Europass» ձևաչափով,
3. դասավանդման նպատակով շարժունության համաձայնագիր (Staff Mobility Agreement for Teaching), որում պետք է ներկայացվեն դասախոսության թեման, նկարագիրը, շարժունության նպատակները, նախատեսվող գործողություններն ու ակնկալվող արդյունքները,
4. ԵՊՀ-ում աշխատելու վերաբերյալ տեղեկանք,
5. Ուփսալայի համալսարանի պրոֆեսորի կողմից հրավեր։