«Էրազմուս+» համագործակցություն. Լայպցիգի համալսարան, Գերմանիա

«Էրազմուս+» միջազգային կրեդիտային շարժունության ծրագրի շրջանակում Երևանի պետական համալսարանի և Լայպցիգի համալսարանի (Գերմանիա) միջև կնքված պայմանագրով նախատեսվում է շարժունություն ԵՊՀ արևելագիտության (հատկապես արաբագիտության ամբիոնի) և միջազգային հարաբերությունների ֆակուլտետների բակալավրիատի և մագիստրատուրայի ուսանողների համար՝ 2026/2027 ուսումնական տարվա երկրորդ կիսամյակում ուսանելու նպատակով։

Արաբերենի/գերմաներենի/անգլերենի առնվազն B2 մակարդակի իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ և ճանապարհածախս։

Լայպցիգի համալսարանում առաջարկվող առարկաներին ծանոթանալու համար սեղմել այստեղ:

Դիմումներն անհրաժեշտ է ուղարկել ԵՊՀ միջազգային կապերի բաժնի էլեկտրոնային հասցեին՝ lia_evoyan@ysu.am:

Դիմումների ընդունման վերջնաժամկետն է ս.թ. սեպտեմբերի 22-ը՝ ժամը 17:00-ն։

Դիմելու համար անհրաժեշտ է ներկայացնել հետևյալ փաստաթղթերը՝ միայն անգլերենով և PDF ձևաչափով՝

1. Անձնագրի պատճեն
2. Ինքնակենսագրական (CV)՝ «Europass» ձևաչափով
3. Մոտիվացիոն նամակ
4. Ակադեմիական տեղեկագիր՝ թարգմանված և վավերացված ԵՊՀ միջազգային կապերի բաժնի կամ նոտարի կողմից
5. ԵՊՀ-ում ուսանելու վերաբերյալ տեղեկանք
6. Ուսումնառության համաձայնագիր (Learning Agreement for Studies, KA171 - բացված էջում անհրաժեշտ է ընտրել և լրացնել KA171 շարժունության համար նախատեսված Learning Agreement for Studies ձևանմուշը)