«Էրազմուս Մունդուս» համատեղ մագիստրոսական ծրագիր. «Կանաչ էներգետիկայի շուկա և ֆինանսներ»

Մեկնարկել է «Կանաչ էներգետիկայի շուկա և ֆինանսներ» («Energy Market and Finance – GrEnFIn») «Էրազմուս Մունդուս» համատեղ մագիստրոսական ծրագրի 2027–2028 ուսումնական տարվա ընդունելությունը։ 

«GrEnFIn»-ը 24-ամսյա մագիստրոսական ծրագիր է, որի շրջանակում ուսանողները կհավաքեն 120 ECTS կրեդիտ և կստանան երեք գործընկեր համալսարանների կողմից շնորհվող բազմակի դիպլոմ։

Ծրագիրն իրականացվում է եվրոպական երեք համալսարանների համագործակցությամբ՝

• Բոլոնիայի համալսարան (Alma Mater Studiorum – Università di Bologna), Իտալիա (ծրագրի համակարգող համալսարան)

• Լյուդվիգ Մաքսիմիլիան համալսարան (Ludwig-Maximilians-Universität München), Գերմանիա

• Փարիզ Դոֆին համալսարան (Université Paris Dauphine), Ֆրանսիա

Ծրագրի նպատակն է պատրաստել կայուն էներգետիկայի ոլորտի մասնագետներ, որոնք կունենան անհրաժեշտ գիտելիքներ և հմտություններ՝ դիմակայելու էներգետիկ անցման և բնապահպանական մարտահրավերներին, ինչպես նաև էներգետիկ ոլորտի փոփոխվող պահանջներին՝ ձևավորելով համապարփակ միջազգային տեսլական։

Ծրագրին կմասնակցեն աշխարհի տարբեր երկրներից ընտրված լավագույն ուսանողները՝ հնարավորություն ունենալով ուսումնառելու միջազգային և բազմամշակութային միջավայրում։