«Էրազմուս+» ծրագրի միջազգային կրեդիտային շարժունություն․ Բրատիսլավայի տնտեսագիտության համալսարան, Սլովակիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բրատիսլավայի տնտեսագիտության համալսարանի միջև կնքված պայմանագրով նախատեսվում է շարժունություն Տնտեսագիտության և կառավարման ֆակուլտետի պրոֆեսորադասախոսական կազմի (հիմնական աշխատակիցների) համար` ս․թ․ հոկտեմբերի 27-29 «19-րդ միջազգային ուսուցման շաբաթ» ծրագրին մասնակցելու և «Գործարարություն և վարչարարություն», «Տնտեսական դիվանագիտություն», «Ֆինանսներ և հարկեր», «Ակտուարական գիտություն», «Կառավարում կամ մարքեթինգ» կրթական ծրագրերի շրջանակում դասախոսություն կարդալու նպատակով։

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ. սեպտեմբերի 14-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը ուսանողների համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. տեղեկանք ԵՊՀ-ում աշխատելու վերաբերյալ, 

4. շարժունության համաձայնագիր (Staff Mobility Agreement for Teaching)։