«Էրազմուս+» ծրագրի միջազգային կրեդիտային շարժունություն․ Լեոնի համալսարան, Իսպանիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Լեոնի համալսարանի (Իսպանիա) միջև կնքված պայմանագրով նախատեսվում է շարժունություն հումանիտար և սոցիալական մասնագիտություններով բակալավրիատի և ասպիրանտուրայի ուսանողների համար` 2025-2026 ուստարվա 2-րդ կիսամյակում մինչև 5 ամիս ժամկետով ուսանելու նպատակով:

Աշխատանքային լեզուն անգլերեն/իսպաներենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս․թ. սեպտեմբերի 24-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF
տարբերակով)․

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր (թարգմանված և հաստատված ԵՊՀ միջազգային կապերի բաժնի կողմից),

5. տեղեկանք ԵՊՀ-ում ուսանելու վերաբերյալ, 

6. ուսումնառության համաձայնագիր (Learning Agreement for Studies),

6․1 առարկաների ցանկը՝ հետևյալ հղումով,

7. ասպիրանտների համար շարժունության համաձայնագիրը (Mobility Agreement)՝ կից։