«Էրազմուս+» միջազգային կրեդիտային շարժունություն. Գրենոբլի համալսարան (Ֆրանսիա)

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Գրենոբլի համալսարանի (Ֆրանսիա) միջև կնքված պայմանագրով նախատեսվում են շարժունություններ Ինֆորմատիկայի և կիրառական մաթեմատիկայի ֆակուլտետի, Ֆիզիկայի ինստիտուտի մագիստրատուրայի ուսանողների համար` 2025/2026 ուստարվա 2-րդ կիսամյակում ուսանելու կամ կարճաժամկետ պրակտիկա անցնելու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին կարող եք գտնել «Էրազմուս+» ազգային գործակալության կայքէջում: 

Ծրագրի դիմումներն էլեկտրոնային տարբերակով ընդունվում են ԵՊՀ միջազգային կապերի բաժնի h.mkrtchyan@ysu.am էլհասցեով:  

Նամակի վերնագրում խնդրում ենք նշել «Erasmus+», «GRENOBLE INP»:

Դիմումների ընդունման վերջնաժամկետն է ս.թ. սեպտեմբերի 30-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը ուսանողների համար (փաստաթղթերն ընդունվում են միայն անգլերեն՝ PDF տարբերակով).

1. անձնագրի պատճեն, 
2. ինքնակենսագրական (CV)՝ Europass ձևաչափով,
3. մոտիվացիոն նամակ, 
4. ակադեմիական տեղեկագիր,
5. տեղեկանք՝ ԵՊՀ-ում ուսանելու վերաբերյալ,
7. ուսումնառության համաձայնագիր (Learning Agreement for Studies KA171)   

Անգլերենով դասընթացների ցանկը՝ ըստ դպրոցների.

Phelma : https://phelma.grenoble-inp.fr/en/studies/engineering-degree

Ense3 :   https://ense3.grenoble-inp.fr/en/study-at-ense3/exchange

Pagora : https://pagora.grenoble-inp.fr/en/education/exchange-student-courses-in…