«Էրազմուս+» ծրագրի միջազգային կրեդիտային շարժունություն․ Հռոմի միջազգային հետազոտությունների համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Հռոմի միջազգային հետազոտությունների համալսարանի (Իտալիա) միջև կնքված պայմանագրով նախատեսվում է շարժունություն բակալավրիատի և մագիստրատուրայի ուսանողների համար (տնտեսագիտության, միջազգային հարաբերությունների և քաղաքագիտության բնագավառներում)` 2025-2026 ուստարվա 2-րդ կիսամյակում մինչև 5 ամիս ժամկետով ուսանելու նպատակով:

Աշխատանքային լեզուն անգլերեն/ իտալերեն է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Մանրամասն տեղեկություն ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումները ընդունվում են էլեկտրոնային տարբերակով ԵՊՀ միջազգային կապերի mnatsakanyan@ysu.am էլհասցեի միջոցով: 

Դիմումների ընդունման վերջնաժամկետն է ս․թ. նոյեմբերի 9՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերը ընդունվում են միայն անգլերեն՝ PDF տարբերակով)՝

1. անձնագրի պատճեն, 

2. ինքնակենսագրական (CV)՝ Europass ձևաչափով,

3. մոտիվացիոն նամակ,

4. ակադեմիական տեղեկագիր (թարգմանված և հաստատված ԵՊՀ միջազգային կապերի բաժնի կողմից),

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies),

6.1․ առարկաների ցանկը հնարավոր է գտնել այստեղ։