«Էրազմուս+» ծրագրի միջազգային կրեդիտային շարժունություն․ Ռուժոմբերոկի կաթոլիկ համալսարան, Սլովակիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Ռուժոմբերոկի կաթոլիկ համալսարանի (Սլովակիա) միջև կնքված պայմանագրով նախատեսվում է շարժունություն բակալավրիատի և մագիստրատուրայի ուսանողների համար (լեզուների, սոցիալական աշխատանքի բնագավառներում)` 2025-2026 ուստարվա 2-րդ կիսամյակում մինչև 5 ամիս ժամկետով ուսանելու նպատակով:

Աշխատանքային լեզուն անգլերեն է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը:

Առավել մանրամասն տեղեկություն ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են էլեկտրոնային տարբերակով ԵՊՀ միջազգային կապերի բաժնի mnatsakanyan@ysu.am էլհասցեի միջոցով։ Դիմումների ընդունման վերջնաժամկետն է ս․թ. նոյեմբերի 10՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն՝ PDF տարբերակով)՝

1. անձնագրի պատճեն,

2. ինքնակենսագրական (CV)՝ Europass ձևաչափով, 

3. մոտիվացիոն նամակ,

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ, 

6. ուսումնառության համաձայնագիր (Learning Agreement for Studies)։