«Էրազմուս+» ծրագրի միջազգային կրեդիտային շարժունություն. Վիտովտ Մեծի համալսարան, Լիտվա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Վիտովտ Մեծի համալսարանի (Լիտվա) միջև կնքված պայմանագրով նախատեսվում են շարժունություններ դասախոսների համար (հիմնական կազմ)` 2025/2026 ուստարում վերոհիշյալ համալսարանում 1 շաբաթ ժամկետով 8 ժամ դասախոսություն կարդալու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում նշել ERASMUS+, VITAUSTAS MAGNUS):

Դիմումների ընդունման վերջնաժամկետն է ս.թ. դեկտեմբերի 7-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն PDF տարբերակով)՝

1. անձնագրի պատճեն, 

2. ինքնակենսագրական (CV)՝ «Europass» ձևաչափով, 

3. շարժունության համաձայնագիր (դասավանդման նպատակով (Staff Mobility for Teaching) (թեմա, նկարագիր, շարժունության նպատակները, ակնկալվող գործողությունները և այլն)),

4. տեղեկանք՝ ԵՊՀ-ում աշխատելու վերաբերյալ,

5. ընդունող բուհից հրավեր նամակ։