«Էրազմուս+» միջազգային կրեդիտային շարժունություն Երևանի պետական համալսարանի և Աքվիլայի համալսարանի (Իտալիա) միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Աքվիլայի համալսարանի (Իտալիա) միջև կնքված պայմանագրով նախատեսվում է շարժունություն Եվրոպական լեզուների և հաղորդակցության ֆակուլտետի գերմանական բանասիրության ամբիոնի պրոֆեսորադասախոսական հիմնական կազմի համար` 2025/2026 ուստարվա 2-րդ կիսամյակում 1 շաբաթ ժամկետով 8 ժամ դասախոսություն կարդալու նպատակով:

Գերմաներենի իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն էլեկտրոնային տարբերակով ընդունվում են ԵՊՀ միջազգային կապերի բաժնի mnatsakanyan@ysu.am էլհասցեի միջոցով:

Դիմումների ընդունման վերջնաժամկետն է ս.թ. հունվարի 28-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն և PDF տարբերակով):

1. Անձնագրի պատճեն,

2. Ինքնակենսագրական (CV)՝ «Europass» ձևաչափով,

3. Տեղեկանք՝ ԵՊՀ-ում աշխատելու վերաբերյալ, 

4.Շարժունության համաձայնագիր (Mobility Agreement),

5․ Ընդունող բուհից հրավեր-նամակ։