«Էրազմուս+» միջազգային կրեդիտային շարժունություն Երևանի պետական համալսարանի և Սլովենիայի Նովա Գորիցա համալսարանի միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Սլովենիայի Նովա Գորիցա համալսարանի միջև կնքված պայմանագրով նախատեսվում է շարժունություն «Ֆիզիկա» մասնագիտությամբ պրոֆեսորադասախոսական հիմնական կազմի համար` 2025/2026 ուստարվա 2-րդ կիսամյակում 3 շաբաթ ժամկետով վերապատրաստման նպատակով։ 

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուղվում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ․ հունվարի 30-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն)`

1. անձնագրի պատճեն,

2. ինքնակենսագրական (CV) «Europass» ձևաչափով,

3. շարժունության համաձայնագիր վերապատրաստման նպատակով (Staff Mobility Agreement for Training) (թեմա, նկարագիր, շարժունության նպատակները, ակնկալվող գործողությունները և այլն),

4. տեղեկանք՝ ԵՊՀ-ում աշխատելու վերաբերյալ: