«Էրազմուս+» ծրագրի միջազգային կրեդիտային շարժունություն Նովա Գորիցա համալսարան, Սլովենիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Նովա Գորիցա համալսարանի (Սլովենիա) միջև կնքված պայմանագրով նախատեսվում է շարժունություն «Ֆիզիկա» մասնագիտությամբ ուսանողների համար՝ 2025/2026 ուստարվա 2-րդ կիսամյակում 3 ամիս ժամկետով վերապատրաստում/պրակտիկա անցնելու նպատակով։

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս․թ․ հունվարի 30-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերը ընդունվում են միայն անգլերեն, PDF տարբերակով)՝

1.  դիմում-հայտ,

2. անձնագրի պատճեն,

3. ինքնակենսագրական (CV)՝ «Europass» ձևաչափով,

4. մոտիվացիոն նամակ,

5. ակադեմիական տեղեկագիր (թարգմանված և հաստատված Միջազգային կապերի բաժնի կողմից),

6. տեղեկանք՝ ԵՊՀ-ում ուսանելու վերաբերյալ,

7. ուսումնառության համաձայնագիր (Learning Agreement for Studies):