«Էրազմուս+» ծրագրի միջազգային կրեդիտային շարժունություն. Ֆլորենցիայի համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական և Իտալիայի Ֆլորենցիայի համալսարանների միջև կնքված պայմանագրով նախատեսվում է շարժունություն պրոֆեսորադասախոսական հիմնական կազմի համար, որոնք զբաղվում են քրիստոնեական հայ միջնադարյան մշակույթի ուսումնասիրությամբ՝ առնչվող ծրագրի շրջանակում հետազոտվող համապատասխան թեմային: Շարժունության ծրագիրը կիրականացվի 2025/2026 ուստարվա 2-րդ կիսամյակում 2 շաբաթ ժամկետով՝ 16 ժամ դասախոսություն կարդալու համար։

Աշխատանքային լեզուն անգլերեն/ իտալերենն է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: 

Մանրամասն տեղեկություն ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե mnatsakanyan@ysu.am): Դիմումների ընդունման վերջնաժամկետն է ս.թ. փետրվարի 25-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն)`

1. անձնագրի պատճեն,

2. ինքնակենսագրական (CV)՝ Europass ձևաչափով,

3. շարժունության համաձայնագիր (Mobility Agreement),

4. տեղեկանք աշխատավայրից,

5. ընդունող բուհից հրավեր-նամակ։