«Էրազմուս+» միջազգային կրեդիտային շարժունություն․ Մալագայի, Կադիսի և Հուելվայի համալսարաններ, Իսպանիա

«Էրազմուս+» միջազգային կրեդիտային շարժունության գործողության շրջանակում Երևանի պետական և Մալագայի, Կադիսի և Հուելվայի համալսարանների (Իսպանիա) միջև կնքված պայմանագրով նախատեսվում են շարժունություններ պրոֆեսորադասախոսական հիմնական կազմի համար` 2025/2026 ուստարվա 2-րդ կիսամյակում կամ 2026/2027 ուստարվա 1-ին կիսամյակում 1 շաբաթ ժամկետով 8 ժամ դասախոսություն կարդալու համար:

Աշխատանքային լեզուն անգլերեն/իսպաներենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գրասենյակի կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ. մարտի 8-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով)․

1. անձնագրի պատճեն,

2. ինքնակենսագրական (CV)՝ «Europass» ձևաչափով, 

3. տեղեկանք ԵՊՀ-ում աշխատելու վերաբերյալ,

4. շարժունության համաձայնագիր դասավանդման նպատակով՝ ստորագրված ընդունող բուհի կողմից (Staff Mobility Agreement for Teaching)  (թեմա, նկարագիր, շարժունության նպատակները, ակնկալվող գործողությունները և այլն)։

Բուհերի համակարգողների կոնտակտները՝ ստորև․

Մալագայի համալսարան՝ International Relations Office - Mobility Coordinators - University of Malaga

Կադիսի համալսարան՝ https://internacional.uca.es/visiting-professors-2025-26/

Հուելվայի համալսարանի դեպքում խնդրում ենք կապ հաստատել հետևյալ էլեկտրոնային հասցեի միջոցով՝ drinter09@sc.uhu.es