«Էրազմուս+» ծրագրի միջազգային կրեդիտային շարժունություն․ Բորդո Մոնտեն համալսարան, Ֆրանսիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բորդո Մոնտեն համալսարանի միջև կնքված պայմանագրով նախատեսվում են շարժունություններ Եվրոպական լեզուների և հաղորդակցության, Ռուս բանասիրության ֆակուլտետների ուսանողների համար` 2026/2027 ուստարվա 1-ին կիսամյակում ուսանելու նպատակով:

Ֆրանսերենի առնվազն B2 մակարդակի իմացությունը և անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում անհրաժեշտ է նշել ERASMUS+ , Bordeaux Montaigne):

Դիմումների ընդունման վերջնաժամկետն է ս․թ. ապրիլի 2-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն
անգլերեն, PDF տարբերակով)`

1. անձնագրի պատճեն, 

2. ինքնակենսագրական (CV)՝ «Europass» ձևաչափով,

3. մոտիվացիոն նամակ, 

4. ակադեմիական տեղեկագիր՝ հաստատված Միջազգային կապերի բաժնի կողմից,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies KA171),

7. ֆրանսերենի և անգլերենի իմացությունը հաստատող վկայականներ:

Օտար լեզվով դասընթացների ցանկը՝ https://www.u-bordeaux-montaigne.fr/en/study/application/exchange-progr…