«Էրազմուս+» ծրագրի միջազգային կրեդիտային շարժունություն. Լյուդվիգսհաֆենի համալսարան, Գերմանիա

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Լյուդվիգսհաֆենի բիզնեսի և հասարակության համալսարանի (Գերմանիա) միջև կնքված պայմանագրով նախատեսվում է շարժունություն Տնտեսագիտության և կառավարման, Միջազգային հարաբերությունների ֆակուլտետների «Հանրային կառավարում» մասնագիտությամբ բակալավրիատի և մագիստրատուրայի ուսանողների համար՝ 2026-2027 ուստարվա 1-ին կիսամյակում ուսանելու նպատակով:

Անգլերենի/գերմաներենի առնվազն B2 մակարդակի իմացությունը պարտադիր է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը:

Մանրամասն տեղեկություն ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. մարտի 4-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն՝ PDF տարբերակով)՝

1. անձնագրի պատճեն,

2. ինքնակենսագրական (CV)՝ « Europass » ձևաչափով,

3. մոտիվացիոն նամակ,

4. ակադեմիական տեղեկագիր (անհրաժեշտ է հայերեն տարբերակը վերցնել ֆակուլտետի դեկանատից, այնուհետև այն ներկայացնել Միջազգային կապերի բաժին՝ թարգմանության և վավերացման նպատակով),

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (KA 171, Learning Agreement for Studies, Before Mobility հատվածը՝ ստորագրված ֆակուլտետի միջազգային կապերի գծով ակադեմիական համակարգողի կողմից):