ԵՊՀ լեզուների ուսուցման և թեստավորման կենտրոնի տնօրենի հաստիքի համալրման մրցույթ

Հայտարարվում է մրցույթ՝ ԵՊՀ լեզուների ուսուցման և թեստավորման կենտրոնի տնօրենի հաստիքի համալրման համար։

Հիմնական պարտականություններն են՝

• լեզուների ուսուցման և թեստավորման կենտրոնի ուսումնական քաղաքականության ձևավորում և իրականացում,

• կենտրոնի ընդհանուր գործունեության ղեկավարում և համակարգում,

• լրացուցիչ կրթական ծրագրերի մշակում՝ աշխատաշուկայի պահանջներին և սահմանված կրթական չափորոշիչներին համապատասխան,

• ներքին կանոնակարգերի մշակում,

• դասընթացների որակի ապահովում և մշտադիտարկում,

• գնահատման և վերահսկման մեխանիզմների մշակում,

• կրթական ծրագրերի պարբերական վերանայում և կատարելագործում արդյունավետության բարձրացման նպատակով,

• դասախոսական և վարչական կազմի ղեկավարում,

• մարդկային ռեսուրսների կառավարման իրականացում (դասախոսների ընտրություն, վերապատրաստում),

• գործընկերային կապերի զարգացում կրթական, գիտական և այլ կազմակերպությունների հետ,

• ֆինանսական և կազմակերպական գործընթացների պլանավորում ու համակարգում:

Պահանջվող որակավորումներն ու հմտություններն են՝

• բարձրագույն կրթություն (լեզվաբանության, բանասիրության և/կամ կառավարման որակավորում),

• առնվազն 3 տարվա ղեկավար փորձ (ցանկալի է՝ կրթական ոլորտում),

• միջազգային կրթական չափորոշիչների իմացություն,

• թվային գործիքների և կրթական տեխնոլոգիաների կիրառման հմտություններ,

• առաջնորդության հմտություններ, կազմակերպական բարձր կարողություններ,

• հաղորդակցական կարողություններ,

• վերլուծական մտածողություն,

• բարձր պատասխանատվության զգացում:

Ներկայացված պահանջներին համապատասխանող թեկնածուները կարող են ուղարկել իրենց ինքնակենսագրականները (CV) hr@ysu.am էլհասցեին՝ վերնագրի դաշտում (subject) պարտադիր նշելով հաստիքի անվանումը` «ԵՊՀ լեզուների ուսուցման և թեստավորման կենտրոնի  տնօրեն»:

Դիմելու վերջնաժամկետը՝ մինչև ս․թ․ մարտի 31-ը։