«Էրազմուս+» ծրագրի միջազգային կրեդիտային շարժունություն․ Կադիսի համալսարան, Իսպանիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Կադիսի համալսարանի (Իսպանիա) միջև կնքված պայմանագրով նախատեսվում է շարժունություն բակալավրիատի և մագիստրատուրայի ուսանողների համար՝ 2026/2027 ուսումնական տարում 5 ամիս ժամկետով ուսանելու նպատակով:  

Իսպաներենի B1 մակարդակի իմացությունը և հաստատող միջազգային փաստաթուղթը պարտադիր են:

Ծրագրով դրամաշնորհառուներին տրամադրվում է անհատական կրթաթոշակ, ինչպես ճանապարհածախս: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ․ ապրիլի 13-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով)․

1. անձնագրի պատճեն, 

2. ինքնակենսագրական (CV)՝ «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր՝ թարգմանված և հաստատված Միջազգային կապերի բաժնի կողմից,

5. տեղեկանք ԵՊՀ-ում ուսանելու վերաբերյալ, 

6. ուսումնառության համաձայնագիր (Learning Agreement for Studies) (կցված է),

7. առարկաների ցանկը և մանրամասն տեղեկություններ՝ http://asignaturas.uca.es/asig/ կայքէջում: 

Ակադեմիական կոորդինատորների տվյալները՝ այստեղ։