Երևանի պետական համալսարանը ERASMUS+ “PROVE” նախագծի շրջանակում իրականացնում է ուսուցիչների վերապատրաստում՝ Արժեքների և գիտելիքների վրա հիմնված կրթություն (VaKE) մոտեցմամբ։ Վերապատրաստման շրջանակում ուսուցիչներին ներկայացվելու է երկընտրանքների (դիլեմաների) քննարկման նոր մոտեցում, որտեղ բացի գիտելիքներից, հմտություններից, կարևորվում է նաև արժեքային բաղադրիչը։
Վերապատրաստմանը կարող են մասնակցել հասարակագիտական առարկաներ և լեզուներ դասավանդող ուսուցիչները։ Վերապատրաստումն իրականացվելու է ԵՊՀ Սարգիս և Մարի Իզմիրլյանների անվան գրադարանի մասնաշենքի PRINTeL լսարանում (603) մայիսի 6, 7 և 8-ին՝ ժամը 15.00-18.00։
Վերապատրաստման ավարտին ուսուցիչները կստանան մասնակցության հավաստագիր, եթե մասնակցել են եռօրյա դասընթացին։ Վերապատրաստման ծախսերը հոգում է Եվրամիության կողմից ֆինանսավորվող ERASMUS+ “PROVE” նախագիծը։ Տրասնպորտային ծախսերի փոխհատուցում նախատեսված չէ։
Եռօրյա վերապատրաստմանը կարող է մասնակցել մինչև 25 ուսուցիչ (տեղերը լրանալուն պես գրանցումը կփակվի)։ Ցանկացողները կարող են գրանցվել հետևյալ հղումով։
Հարցերի դեպքում կարող եք դիմել ԵՊՀ Փիլիսոփայության և հոգեբանության ֆակուլտետի դասախոս Սերոբ Խաչատրյանին, էլ. հասցե՝ serob.khachatryan@ysu.am։
